ମୁଁ ସାଧାରଣ ମଣିଷ
ମୁଁ ସାଧାରଣ ମଣିଷ
ନୁହେଁ ମୁଁ ବ୍ରହ୍ମl
ନୁହେଁ ମୁଁ ବିଷ୍ଣୁ
ମୋ ମନରେ ବହୁତ ଅବଶୋଶ
ମୁଁ ସାଧାରଣ ମଣିଷ l
ପାରିଜାତ ନୁହେଁ ସରଗର
କିଏ ବୁଝିବ କଥା ମନର
ଉପରକୁ ସିନା ଦିଶେ ସରସ
ମୁଁ ସାଧାରଣ ମଣିଷ l
ଚିନ୍ତା ନେଲାଣି ରୂପ ସୌନ୍ଦର୍ଯ୍ୟ
ସମସ୍ତଙ୍କର ବଢ଼ିଗଲାଣି ତେଜ
ଲଢ଼ିବାକୁ ଆଉ ନାହିଁ ସାହସ
ମୁଁ ସାଧାରଣ ମଣିଷ l
କଣ ହେବ ଏ ଟଙ୍କା ପଇସା
ସୂକ୍ଷ୍ମ ତ ଏ ଜୀବନର ନକ୍ସା
ମଶାଣି ଜୁଇରେ ସଭିଏଁ ଶେଷ
ମୁଁ ସାଧାରଣ ମଣିଷ l
ସମସ୍ତେ ନିଜ ନିଜ ଅଭିନୟ ସାରି
ସରଗ ପୁରକୁ ଯିବା ତ ଫେରି
କିଏ ଜାଣେ
କେବେ ଆସିଯିବ ମରଣ ଦିବସ
ମୁଁ ସାଧାରଣ ମଣିଷ l