ମୁଁ ନାରୀ
ମୁଁ ନାରୀ
1 min
194
ମୁଁ ନାରୀ
ନଗ୍ନତା ଚାହେଁନା
ରୁକ୍ଷତା ଚାହେଁନା
ଆତଙ୍କ ଚାହେଁନା
କାର୍ପଣ୍ୟ ଚାହେଁନା
ଭଗ୍ନତା ଚାହେଁନା ।
ମୁଁ ଚାହେଁ
ପୂର୍ଣ୍ଣତା, ସେନେହ ଓ ପ୍ରେମର ଏକ ଉଷ୍ଣତା
ନାରୀତ୍ବର ରଙ୍ଗରେ ରଙ୍ଗାୟିତ ହେଉ ଧରଣୀ
ଗୋଲାପୀ ଗୋଲାପୀ ରଙ୍ଗ
ଆଉ ଶାଶ୍ଵତ ଭାବନାର ଛିଟାରେ
ମାଖି ହୋଇଯାଉ ସବୁରି ଦେହ ଆଉ ମନ। ।
ମୁଁ ନାରୀ
ଛାତିରେ ଛାତିଏ ଭଲପାଇବା
ଆଞ୍ଜୁଳାଏ ସେନେହ
ମାତୃତ୍ଵ ର ଆଖିରେ
ଆପଣାଇ ନିଏ ଅରୀର ମନକୁ
ମମତାର ପରଶରେ ।
ମୁଁ ଚାହେଁ
ଏମିତିକା ହୋଲି
ସେନେହ ଆଉ ପ୍ରୀତିର
ମମତା ଆଉ ବିଶ୍ୱାସର
ଆପଣାପଣ ଆଉ ସହନଶୀଳତାର
ତ୍ୟାଗ ଆଉ ଭକ୍ତିର ।