ମୁଁ କ'ଣ ? ଆଜି ମୁଁ ଜାଣି ପାରୁନି

ମୁଁ କ’ଣ ? ଆଜି ମୁଁ ଜାଣି ପାରୁନି                     

ତୁମ ବିନା ଏ ପୃଥିବୀରେ ମୋର ସତ୍ତା କ’ଣ ?

ମୁଁ ଖୋଜି ପାଉନି ।

କବିଟିଏ ପାଇଁ ଯେପରି ମୂଲ୍ୟବାନ ତାର କବିତା

ମୋ ପାଇଁ ସେମିତି ମୂଲ୍ୟବାନ ତୁମର ହସ ମୁକୁତା ।

ଜୀବନର ସବୁ ଆଶା ପୂର୍ଣ୍ଣ ହୋଇଯାଏ

ତୁମେ ମୋ ପାଖରେ ଥିଲେ

କିନ୍ତୁ ଏ ଅବୁଝା ମନ ପାଗଳ ହେଇଯାଏ

ତୁମକୁ ଥରୁଟିଏ ନ ଦେଖିଲେ ।

ଦୂରରୁ ଚାଲିଆସ ଯେତେବେଳେ

ଲାଗ କୁନି ପିଲାଟିଏ ପରି

ସତେ ଅବା ଲାଗେ ମୋତେ

ତୁମ ପାଇଁ ଜନ୍ମ କେବଳ ମୋହରି ।

ତୁମେ ଥିଲ ଦୂରେ ମୁଁ ଥିଲି ଦୂରେ  ସ୍ଵପ୍ନ ଥିଲା ବହୁଦୂର

ଆଜି କାହିଁ ସେହି ସ୍ବପ୍ନ ଲାଗେ ଭାରି ନିକଟତର ।          

ଦୀର୍ଘ ୧୮ ବର୍ଷ ଧରି ଯେଉଁ ମନ ଥିଲା ସ୍ଥିର          

ଆଜି କାହିଁକି କେଉଁ କାରଣରୁ ସେ ହୁଏ ଅସ୍ଥିର ।          

ଯେତେବେଳେ ତୁମେ ଆସିଯାଅ ମୋ ପାଖକୁ          

ଲାଗେ ସତେ ଅତି ନିକଟରୁ ମୁଁ ଦେଖୁଛି ଜହ୍ନକୁ ।          

କ'ଣ କହି କରିବି ତୁମକୁ ମୋ ପ୍ରେମ ନିବେଦନ          

ବାଧା ଦିଏ ମୋତେ ମୋର ପରିଚୟ

ଏବଂ ମୋର ଆତ୍ମସମ୍ମାନ । 

ଯେଉଁ ଦିନ କରିବି ମୁଁ ତୁମକୁ ଆଲିଙ୍ଗନ              

ମନ କହେ ସତେ କିବା ପାଇଯିବି

ମୁଁ ଶ୍ରେଷ୍ଠ ପ୍ରେମିକ ସମ୍ମାନ ?