ମୁଁ ଏକା ତୁମର

ଶଙ୍କର୍ଷଣ କର

ଅମାନିଆ ମନ ମୋର

ଖୋଜେ ପ୍ରିତୀର ପରଶ,

ତୁମ ପ୍ରେମ ରାସ୍ତାର ମୁଁ

ପ୍ରତୀକ୍ଷିତ ପଥିକ ।

ସୁଖ ଅବା ଦୁଃଖରେ ମୁଁ

ତୁମ ଚିର ପ୍ରେମିକ,

ହାତ ଧରି ଚାଲୁଥିବି

ପଥ ହେଲେବି କଣ୍ଟକିତ ।

ପ୍ରେମ ବଗିଚାରେ ତୁମେ

ସଦ୍ୟ ପ୍ରସ୍ଫୁଟିତ ଗୋଲାପ,

ତୁମେ ମୋ ହସ ଖୁସୀ

ତୁମେ ମୋ ଗଳପ ।

ମୋ ତୂଳୀ ରଙ୍ଗ ଘରେ

ତୁମେ ଛବି ଏକମାତ୍ର,

ବାରମ୍ବାର ଆଙ୍କିହୁଏ

ତୁମ ମୋନାଲିସା ଚିତ୍ର ।

ତୁୁମେ ମୋର ପ୍ରତିଛବି

ମୁଁ ଯେ ତୁମର ଛାଇ,

ମୁଁ ଯଦି ସାଗର ହୁଏ

ତୁମେ ମୋ ଅବୁଝା ନଈ ।

ସାଥୀଟିଏ ତୁମେ ମୋର

ସଦା ଥିବ ସାଥୀହୋଇ,

ବଞ୍ଚିବି ମୁଁ ତୁମ ସାଥେ

ଜନମ ଜନମ ପାଇଁ ।

କମାରପାଳ,କୁଳିଅଣା,ମୟୂରଭଞ୍ଜ