ଫୋନୀ

ଏବେ ଚାଲୁଅଛି ନିର୍ବାଚନୀ ପର୍ବ

  କାହିଁକି ଆସୁଛ ଫୋନୀ?

ଆସିବାଟା କ'ଣ ନିହାତି ଜରୁରୀ?

  ଏବେ ଲୋକ ଚାଟୁଛନ୍ତି ହୋନୀ !!

ମଦ ମାଉଁସରେ ଆସର ଜମୁଛି

  ବିଡା ବିଡା ନୋଟ ଦେଇ,

ଅସଲ ବେଳରେ ଆସୁଛ ଏମିତି

 ବେଳ କାଳ ଜଣା ନାହିଁ ।

ନେତା ମନ୍ତିରିଙ୍କ ଭାଗ୍ୟ ବନ୍ଧା ଅଛି

  ଇଭିଏମ ମେସିନିରେ,

କେମିତି ସୁରକ୍ଷା ହୋଇବ ସେସବୁ

  ସେକଥାରେ ଦିନସରେ ।

ଅବେଳରେ ଆସି ବଢାଇଲ ଚିନ୍ତା

   ନେତା ମନ୍ତିରିଙ୍କ ଭାଗ୍ୟ,

ଜନତାଙ୍କ ଦୁଃଖ କିଏବା ଶୁଣିବ?

  ସାହା ଏକା ଜଗନ୍ନାଥ । 

ଓଡିଶା କି' ତୁମ ଶଶୁର ଘର?

  ଆସୁଥାଅ ବାରମ୍ବାର, 

ଅନେକ ରୂପରେ ତାଣ୍ତବ କରିଣ

  ଅଣ୍ଟାଭାଙ୍ଗ ଓଡିଶାର!!

ଚାଲିଯାଅ ତୁମେ ଏଇ ରାଜ୍ୟ ଛାଡି

  ଦିଅ ନାହିଁ ଦୁଃଖ କଷ୍ଟ,

ବାରମ୍ବାର ତୁମେ ଦାଉ ସାଧୁଅଛ

  ଲୋକେ ହେଲେଣି ଅତିଷ୍ଟ ।