ମୋ କାଳିଆ ସୁନା
ମୋ କାଳିଆ ସୁନା
ଶୁଣ ମୋ କାଳିଆ ସୁନାରେ
ଶୁଣ ମୋ କଥାକୁ ଟିକେ,
ଦୁଃଖ ବାଣ୍ଟି ଜାଣୁ ସଦା ତୁ ସଭିଙ୍କୁ
ସୁଖ ଦେଉ ନା ତୁ କେବେ ।
କାଲା ହେଲୁଣିକି ତୁ ରେ କାଳିଆ
ଶୁଭେନା କାହାର ଡାକ
ଆଶୀର୍ବାଦ ରୂପେ ଦେଉନା ତୁ କିଛି
ଦେଉ ଖାଲି ଟିକେ ଭିକ।
ତୋର ନାମ ଗାଇ ବ୍ରତ ଉପାସରେ
ଦିନ ମୋ ଯାଉଛି ବିତି
ଦିନ ବାର ମାନି କେତେ ଯେ ନିୟମ
ଦେଖୁଛୁ ତୋ ଚକା ଆଖି।
ତୋର ଭାବନାରେ ନୀତି ବୁଡିଥାଏ
ଜାଣିଛୁ ତୁ ପରା ନିଜେ,
ସପନରେ ମୋର ଆସିଲେ ତୁ ଧନ
ତୋ ପ୍ରେମରେ ମୁଁହି ଭିଜେ।
ଭକତେ ତୋହର ଭଜନ ଗାଆନ୍ତି
ଚଢ଼ାନ୍ତି ତୋ ଦେହେ ମାଲ
ସଭିଙ୍କ ଦୁଃଖକୁ ଦୂର ନ କରିକି
କରୁ ଖାଲି କଲବଲ।
ଶୁଣ ମୋ କାଳିଆ ସୁନାରେ
ଶୁଣ କଥା ମୋ ଟିକେ
ତୋର ନାମ ମୋର ତୁଣ୍ଡରେ
ଥିବ ଜୀବନ ଯାକେ... ll