ବିଶ୍ୱପ୍ରେମ
ବିଶ୍ୱପ୍ରେମ
ତପସ୍ୟା କରିଲେ ଉଦୟ ହୁଅଇ
ମନ ମଧ୍ୟେ ଦିବ୍ୟଜ୍ଞାନ
ଏହି ଜ୍ଞାନ ପାଇ ନିବୃତ୍ତି ମାର୍ଗର
ହୋଇ ପାରଇ ଦର୍ଶନ ।
କାମ କ୍ରୋଧ ଆଉ ଲୋଭ ମୋହ ଠାରୁ
ଆତ୍ମ ଟି ଦୂରେଇ ଯାଏ
ବିଶ୍ୱ ପ୍ରେମର ଦିବ୍ୟ ଆଲୋକରେ
ମନ ଉଦ୍ଭାଷିତ ହୁଏ ।
ଅନେକରୁ ଏକ ଆତ୍ମା ଭାବ ନେଇ
ତା' ମଧ୍ୟେ ରଖି ନିଜକୁ
ଜନ ମାନ ହିତ ମଧ୍ୟେ ଥାଇ କରି
ମିଳଇ ଶାନ୍ତି ପଥକୁ ।
ବିଶ୍ୱ ପ୍ରେମରେ ହୋଇ ଉଦବୁଦ୍ଧ
ସମସ୍ତଙ୍କ ସେବା ଅର୍ଥେ
କର୍ମ କରିଗଲେ କୌଣସି କାଳରେ
ଶ୍ରମ ଯିବ ନାହିଁ ବ୍ୟର୍ଥେ ।
ସତ୍ କର୍ମ ମାର୍ଗ ଆପଣାଇ ସର୍ବେ
ବାଛି ନେବା ସତ୍ୟ ଧର୍ମ
ଅବାଟର ସାଥି ପଥ ଭୁଲିଗଲେ
ଶିଖେଇବା ବିଶ୍ୱପ୍ରେମ ।