କଥା ପଦେ

କଥାକେ ପଦେ କହୁଛେ ସତେ

      ଜାନିଶୁନି କଳା ଭୁଲ୍ ପଚକେ ବାଧେ l

ଜାନି ଜାନି କର୍ସନ୍ ଯେବେ ଭୁଲ୍

    କାଳର ବାଡି ପଡସୀ ତାହାକେ ଦୁଲ୍ ଦୁଲ୍ l

ଜାନି ଜାନି ଯେନ୍ କର୍ସି ଭୁଲ

     ଦିନେ ନେଇ ଦିନେ ପାଏବା ତାର ମୂଲ୍ l

ସତ୍ କର୍ମେ ଜୀବନ୍ ଦୀପ ହେସି ଉଜାଗର

     ପାପ୍ କଲେ ନେଇ ଜଳେ ଜୀବନ୍ ଜାଗର l

ଆଜି ଖଉଛେ ଗରୀବର୍ ଇନ୍ଦ୍ରାବାସ ପଏସା

         ଦିନ ଆୟେବା ପାଏବା ତାର୍ ଦଶା l

ଗରିବ୍ ର ପେଟେ ଜେନ୍ ଦେଶି ଗୋଡ

      ସମୀୟା ଆସଲେ ବିଧାତା ମାର୍ବା ମୁଡ୍ l

କାନ୍ଦୁ ଥିବା ନେଇ ସୁନନ୍ କିଏ ଡାକୁ ଯେତେ ରଡ଼ି

    ଲୋକ୍ କେ ଲୋକ୍ ନେଇ ଭାବଲେ ରୋଗ୍ ଧର୍ବା ତାଡ଼ିଭିଡି l

ଛୋଟ୍ ଲୋକ୍ ମୁଇ ଛୋଟ୍ କଥା ପଦେ କହୁଚ୍ଛେ ଇନେ ଜାନି

       ପାପ୍ ଛାଡ଼ି ଧରମ୍ କାମେ ହୁଅ ଘିଚି ଟାଣି l