ମୋ ଗାଁ କୋତାଙ୍ଗ
ମୋ ଗାଁ କୋତାଙ୍ଗ
ଭାରି ଭଲ ଲାଗେ ମୋତେ
ମୋ ଗାଁର ମାଟି
ଆଉ ତାଠୁ ଭଲ ଲାଗେ
ବୋଉ ହାତ ରନ୍ଧା ପଖାଳ ବଡି ।
ନନାଙ୍କ ଆକଟ ବୋଉର ଆଦର
ଜୀବନରେ ଥରେ ମିଳିଥିଲା
ସେହି ଆକଟ ଭିତରେ କଟିଗଲା ପିଲାଦିନ
ସାଙ୍ଗ ସାଥି ମେଳେ ।
ସମୟ ପାରିଲି ନାହିଁ ଜାଣି
ଲୁଚକାଳି କବାଡି ଖେଳରେ
ଗାଁ ଗୋହିରିରେ ବରଷା ଦିନରେ
ଭିଜିବାକୁ ଲାଗେ ଭାରିଭଲ ।
ରଜ ଦୋଳି ପୋଡ଼ ପିଠା
ଝିଅଙ୍କର ସଜବାଜ
ସାଧବ ବୋହୁଟି ପଢେ
ଲକ୍ଷ୍ମୀ ଙ୍କ ପୁରାଣ ।
କେତେ ମଜା ଲାଗେ
ସବୁଜ ଧାନର କ୍ଷେତ
ଚାଷୀଭାଇ ହସୁଥାଏ
ଅଣ୍ଟାରେ ଦେଇଜେ ହାତ ।
ଆଦାନ ପ୍ରଦାନ ଭାବ ପୀରତିରେ
ଭରିରହିଅଛି ଆମ କୋତାଙ୍ଗ ଗ୍ରାମ
ତ୍ରିବେଣୀ ଅମାବାସ୍ୟା ର ଗାଁର ମେଳଣ
ଛୋଟ ଛୋଟ ପିଲାଙ୍କର ଆନନ୍ଦ ଯେ ମନ
ମାଟି କାନ୍ଥ ଚାଳ ଘର ଝୋଟି ଲଗା ଚିତା
କେତେଯେ ସୁନ୍ଦର ଲାଗେ ହାଏରେ ବିଧାତା....
କବିତାଟି କେମିତି ଲାଗିଲା ମତାମତ ଜଣାଇବେ.
ମାନସ କୁମାର କର (ବୁଲୁ )
କୋତାଙ୍ଗ, କୋଣାର୍କ, ପୁରୀ
ମୋ -7381382210