ମନୁଷ୍ୟତ୍ୱ
ମନୁଷ୍ୟତ୍ୱ
କରିଥିଲି ମୁହିଁ ଅଭିଳାଷ କରିବାକୁ ପ୍ରବେଶ
ଉଦାସୀ ଚିତ୍ତେ ଗୋରଖ ଧନ୍ଦାର ମାୟା
ଜାଲେ ଖୋଜି ଖୋଜି ଜୀବନ୍ତ ରହସ୍ୟ
ଆଉ ସମୀକରଣଗୁଡ଼ିକ ଏହାର ତଥା
ପଚାରିଥିଲି ଅନେକ ତତ ସଂଲଗ୍ନ ପ୍ରଶ୍ନ
ପୁଞ୍ଜ ପାଇବାକୁ ସମାଧାନ ସତ୍ୱର l
କେମିତି ମୋର ଅସାଧୁ ଚରିତ୍ରକୁ
କରିବି ନିୟନ୍ତ୍ରଣ ତଥା ସତ୍ୟପୂର୍ଣ୍ଣ
ମାନବୀୟ ସାଧୁତାକୁ କରିବି ରୋପଣ
ମୋର କାୟ ମନ ବାକ୍ୟେ ପଚାରିଥିଲି
ଗୋରଖ ଧନ୍ଦାକୁ ନିରନ୍ତର l
କେମିତି କରିବାକୁ ପରାଭୂତ ମୋର
ସୀମାହୀନ ନ୍ୟା୍ୟୋଚିତ ସମୀକ୍ଷା
ରାଜିକୁ ସମ୍ମୋହିତ ଆତ୍ମ ପ୍ରତାରକ
ଅଧିବେଶନ ସହିତ ମୋର ନିଜ
ମଧ୍ୟରେ ବନ୍ଦୀଥିବା ପ୍ରବୃତ୍ତି ସକଳକୁ
ନକରି ପାତର ଅନ୍ତର l
କେମିତି ମୋର ମାୟା ଜାଲ ଘେରା
ଧରମକୁ ଆଉ ମୋର କପଟତା ପୂର୍ଣ୍ଣ
କରମଗୁଡିକୁ କରିବି ବଶବର୍ତ୍ତୀ ଯାହା
ନୁହେଁ ମୋର ସହାନୁଭୂତିର ପାତର
ବରଂ ଏକ ପର ଉତ୍ପୀଡ଼କ ସାମାଜିକ
ନାଟକ ବିଶ୍ୱ ରଙ୍ଗ ମଞ୍ଚର l
ଅଛିକି କିଛି ଉପାୟ ମୁକୁଳିବାକୁ ଏଇ
ଗୋରଖ ଧନ୍ଦା ବୁଢିଆଣୀ ମାୟା ଜାଲୁ
ପରାଜିତ କରିବାକୁ ତାର ଶୈତାନୀ
ପ୍ରଭାବ ଭିତରୁ ଆଉ ବ୍ୟତିରେକ
ତାହାର ପ୍ରାଣଘାତୀ ପ୍ରବଞ୍ଚକ କୁପ୍ରଭାବ
ଭୁମଣ୍ଡଳୁ ନିର୍ମଳ ଚିତ୍ତରେ l
କେମିତି କରିବି ମୁଁ ପୁନଃରୁଦ୍ଧାର ମୋର
ନମ୍ରତାପୂର୍ଣ୍ଣ ସ୍ଥିର ବୁଦ୍ଧିକୁ ଆଉ ଚିର
ପର୍ଯ୍ୟବେକ୍ଷଣ ପାରିବି ମୁଁ କରି ପ୍ରାଞ୍ଜଳ
ରୂପେ ମୋ ଭିତରେ ସନ୍ନିହିତ ଦେବତ୍ୱ
ବିନା ସନ୍ଦେହେ ନିରନ୍ତରେ l
ମୋର ମାନବ ସତ୍ତାର ଗଭୀରତା
କହି ଚାଲିଲା ମୋତେ ନରଖି ତିଳେ
ପ୍ରାଣେ ସନ୍ଦିଗ୍ଧତା,ହଟେଇଦେବାକୁ
ମୋର ହୃଦୟବିଦାରକ ପରପୀଡ଼କ
ବ୍ୟଭିଚାର ତଥା ଆଲିଙ୍ଗନ କରଣେ
ସପ୍ରେମେ ସାର୍ବଭୌମିକ ସମବେଦନା
ଗଢ଼ି ବାକୁ ବିଶ୍ୱେ ଏକ ସତ୍ୟପୂର୍ଣ୍ଣ
ମାନବତାବାଦର ସାମ୍ରାଜ୍ୟ ସଧିରେ l
କେବଳ ଏକ ସୁବିଧାଯୁକ୍ତ ସମବେଦନା
ନୁହେଁ ବରଂ ଗଭୀର ଆତ୍ମ -ପରୀକ୍ଷିତ
ସମ୍ବେଦନଶୀଳତା ସମ୍ପାଦିତ କରିଚାଲେ
ପ୍ରକୃତରେ ଏକ ମାନବୀୟ କଳା ଯାହାକୁ
ମୁଁ ଗଭୀର ଭାବେ ଅନୁଭବ କରେ ମୋ
ନିଜ ହୃଦୟାଭ୍ୟନ୍ତରେ ମୋର ସାଥୀ
ମାନବଗଣଙ୍କ ଓ ଅନ୍ୟାନ୍ୟ ପ୍ରତ୍ୟେକ
ମାନବୀୟ ସତ୍ତାଗଣଙ୍କ ଯନ୍ତ୍ରଣା,ଫଳତଃ
ଉଦ୍ଭାସିତ ହୁଏ ମୋ ହୃଦୟେ ଏକ
ସତ୍ୟ ସନ୍ଧ ମାନବତା ବୋଧ ଆଲୋକର
ସ୍ରୋତେ ଚରାଚରେ ।