ମନର ବେଦନା

ହଜିଯାଇଛି ଆତ୍ମା ଭାଙ୍ଗିଯାଇଛି ମନ,

                  ଦୁଃଖ କଷ୍ଟ ଯାତନାରେ କଟୁଛି ଜୀବନ ।

ପ୍ରବାସୀ ଜୀବନ ମୋ ଦୁଃଖର ଗନ୍ତାଘର,

                    ବିପଦେ ସମୟେ କେହି ନୁହନ୍ତି ନିଜର।

ହୃଦୟର ବ୍ଯଥା ଯେବେ କହୁଛି କାହାକୁ,

                 ଦୂର କରିବେ କଣ କଷ୍ଟ ଦିଅନ୍ତି ଆତ୍ମାକୁ ।

ଜୀବନ ଦର୍ପଣେ ଦେଖେ ନିଜ ପ୍ରତିବମ୍ବ,

                    ଭାଙ୍ଗି ଯାଇଛି ମୋର ଜୀବନର ଦମ୍ଭ ।

କବିର ଭାବନା ନୁହେଁ ଆତ୍ମାର ଯାତନା,

                ଭାଷାରେ କହି ପାରେନା ହୃଦୟବେଦନା।

ଭଗ୍ନ ମନ ମୋର କ୍ଷଣ ଭଙ୍ଗୁର ଶରୀର,

                ଦୁଃଖ ମୋର ଦୂର କର ହେ ପରମେଶ୍ଵର।