ମନେ ତୁ ପଡ଼ିବୁ

ମନେପଡୁଥିଲୁ ମନେପଡୁଥିବୁ,

ମନେପଡୁଅଛୁ ତୁହି,

ତୋତେ ଏ ଜୀବନେ କେବେ ହୃଦୟରୁ,

କାଢିପାରିବିନି ମୁହିଁ।

ନ ଲାଗିଲେ ନାହିଁ ମଥାରେ ତୋହର,

ସିନ୍ଦୁର ନାମରେ ମୋର,

ନ ପଡୁ ବେଦିରେ ହାତଗଣ୍ଠି ଆମ,

ନହେଉ ବି ବାହାଘର।

ଯେଉଁଠି ଅଛୁ ତୁ ହୃଦୟ ଭିତରେ

ସେଇଠାରେ ଥିବୁ ରହି

ତୋର ଯାଗା ଏଇ ଜୀବନ ଭିତରେ,

କେହି ପାରିବେନି ନେଇ।

ନ ଲାଗିଲେ ନାହିଁ ମଥାରେ ତୋହର,

ସିନ୍ଦୁର ନାମରେ ମୋର,

ନ ପଡୁ ବେଦିରେ ହାତଗଣ୍ଠି ଆମ,

ନହେଉ ବି ବାହାଘର।

ଭଲପାଇବାକୁ ବୁଝିବା ଆଗରୁ,

 ଭଲପାଇଥିଲି ବୋଲି,

ଖୁସିରେ ତୋହର ଖୁସି ହେବାପାଇଁ,

ମନକୁ ବୁଝେଇ ଦେଲି।

ଖୁସିରେ ଶାନ୍ତିରେ ରହିଥା ସଜନୀ,

ଏତିକି ଚାହେଁ ଏ ମନ,

ସବୁରାତି ହେଉ ମଧୁରାତି ତୋର,

ମଧୁମୟ ହେଉ ଦିନ।