ମହାପ୍ରଭୁ
ମହାପ୍ରଭୁ
ଆଉ ଥରେ କିବା ଏ ସିଂହ ଦୁଆର
ନିର୍ଦ୍ଦୋଷେ ଦଣ୍ଡ ପାଇବ
ମହାପ୍ରଭୁ,ବେଳଥାଉଁ ଟିକେ ଭାବ
ଟେକିଦେଲେ ଥରେ ବଳୀୟାର ଭୁଜ
ଦୁଃଖ ଅପସରି ଯିବ
ମହାପ୍ରଭୁ,ତୁମ ଟେକ ରହିଥିବ ......||
ତା'ପାଇଁକି ବଡ ଭକତଙ୍କ ଭିଡ
ଭକ୍ତଙ୍କର ମୂକ ସାକ୍ଷୀ
ଭକତଙ୍କ ବିନା ତା'ଦିନ ସରେନା
ମନ ଯାଇଅଛି ଶୁଖି
ଜୟ ଜଗନ୍ନାଥ ଶୁଣି ହୁଏ ତୃପ୍ତ
କେବେହେଁ ଦୁଃଖ ନଦେବ
ମହାପ୍ରଭୁ,ତୁମ ଟେକ ରହିଥିବ ......||
ପତିତପାବନ ନଦେଲେ ଦର୍ଶନ
କିଏ କାହିଁକି ଆସିବ
ଭକତଙ୍କ ପାଦ ନପଡିଲେ ସିଦ୍ଧ
ନୁହେଁ ସିଂହଦ୍ୱାର ବନ୍ଧ
ନହୁଅ ନିଷ୍ଠୁର କାଳିଆ ଠାକୁର
ତୁମଠୁଁ କେ' ବଳିଯିବ
ମହାପ୍ରଭୁ,ତୁମ ଟେକ ରହିଥିବ ......||