ମାଗଣାରେ ଜ୍ଞାନ
ମାଗଣାରେ ଜ୍ଞାନ
ନିଅ ନିଅ ନିଅ ବାବୁ ମାଗଣାରେ ଜ୍ଞାନ l
ସୁଫଳପାଇବ ନିଶ୍ଚେ କରିଲେ ପାଳନ ll
ଦାନଦେବ ବାବୁ ଜମା ନକହିବ ତୁଣ୍ଡେ l
ହାତେମାପି ବନ୍ଧୁଗଣ ଚାଲିବ ଚାଖଣ୍ଡେ ll
ଅନ୍ନଦାନ ଦେଇ କେବେ ମୁଣ୍ଡ ନଗଣିବ l
ସାତଜନ୍ମ ଯାଏ ବାବୁ ନର୍କବାସ ହେବ ll
ଘରେ ଖରଚ କରିବ ତିଆରି ଯୋଜନା l
ଲେଖି ନରଖିବ ଭାଇ ମୁଣ୍ଡହେବ ବଣା ll
ଗତସ୍ୟ ଶୋଚନା ନାସ୍ତି କହିଛନ୍ତି ଶାସ୍ତ୍ର l
ପଛ କଥା ନଭାଳିବ ପାଶୋରିବ ମିତ୍ର ll
ସ୍ଵଳ୍ପଭାଷି ହେବ ସଦା ନ କରି କଳାପ l
ସଦା ରହିଥିବ ଦୂର ବୃଥା ବାକ୍ୟାଳାପ ll
ଗୁରୁନିନ୍ଦା,ଶାସ୍ତ୍ରନିନ୍ଦା କେବେ ନ ଶୁଣିବ l
ଅଶ୍ରଦ୍ଧ ଜନଙ୍କୁ କେବେ ଶାସ୍ତ୍ର ନକହିବ ll
ସମ୍ପର୍କେ ବାଦ ନ କର କହିଲେ ଅଗସ୍ତି l
ନ ହୋଇବ ବନ୍ଧୁ ମାନି ଯାମିନି ମଧ୍ୟସ୍ଥି ll
ତ୍ରିସନ୍ଧ୍ୟା କାଳରେ ସଦା ଇଶ୍ୱର ଭଜିବ l
ଦାନକରି ଇଷ୍ଟେ ବନ୍ଧୁ କିଛି ନହେଜିବ ll
ସୁଧାର ବାକ୍ୟ କହିବ ନ ଧରି କା ଭୁଲ l
ବୃଥାରେ ପ୍ରଶଂସା କରନାହିଁ ବିଲକୁଲ ll
ଅଯଥା ତର୍କେ ବିତର୍କେ ନପୁରାଅ ମୁଣ୍ଡ l
ପ୍ରିୟବାକ୍ୟେ ମନ ହରି ରଖିବ ସୁତୁଣ୍ଡ ll
କେବେ ଜନେ ନକରିବ ଅର୍ଥକୁ କଦର୍ଥ l
ବୃଥାକଷଣରେ ବନ୍ଧୁ କାଳଯିବ ବ୍ୟର୍ଥ ll
ଦୁର୍ଜନ ସର୍ପ ସମାନ ଅଟେ ଭୟଂକର l
ଦୁର୍ଜନଙ୍କୁ ଛାଡ଼ି ସୁଜନରେ ବନ୍ଧୁ କର ll
ଅର୍ଥଲୋଭ ସୁଧ ପାଇଁ ନଲଗାଅ ନିଧି l
ମୂଳ ବୁଡ଼ି ଯିବ ପଛେ ରହିବ ସମୃଦ୍ଧି ll
ଆମିଷସହିତେ ବନ୍ଧୁ ଅଭକ୍ଷ ଗୋରସ l
ମଧୁଘୃତ ମିଳି ଯଥା ହୋଇବଟି ବିଷ ll
ଗୁପତ କଥା ନାରୀଙ୍କୁ ଜମା ନକହିବ l
ଅଭିଶାପ ଦେଇଛନ୍ତି ବରିଷ୍ଠ ପାଣ୍ତବ ll
ନୂଆକିଛି ନୁହଁ ବନ୍ଧୁ ସବୁ ତୁମ୍ଭେ ଜାଣ l
ସୁଧିଜନ ମଣିବ ଏ ମାଗଣାରେ ଜ୍ଞାନ ll