ମାଆ ତାରାତାରିଣୀ

ଋଷିକୁଲ୍ୟା ତୀରେ ପର୍ବତ ଶିଖରେ 

ବିଜେ ମା' ସିନ୍ଦୁର ମୁଣ୍ଡି l

ତାରାତାରିଣୀ ସେ ଗଞ୍ଜାମ ଆରାଧ୍ୟା 

ଦେବୀ ଦୟାମୟୀ ଚଣ୍ଡୀ ll

ଶକ୍ତି ସ୍ୱରୂପିଣୀ ସଙ୍କଟ ତାରିଣୀ 

ଯାଆଁଳା ଦୁଇ ଭଉଣୀ l

ଶକ୍ତି ପୀଠେ ଉଭା ମାଆ ଦୟାମୟୀ 

ଇପ୍ସିତ ବରଦାୟିନୀ ll

ସତୀଙ୍କ ବକ୍ଷୋଜ ପଡ଼ିଥିଲା ଏଠି 

ଦକ୍ଷ ଯଜ୍ଞ ଭଗ୍ନ କାଳେ l

ତ୍ରେତୟା ଜାନକୀ ଲୁହରୁ ଉତ୍ପତ୍ତି 

ଅନ୍ୟ କିମ୍ବଦନ୍ତୀ ବୋଲେ ll

ଏ ପୀଠରେ ମାଆ ରହିବାକୁ ଇଚ୍ଛା 

ବଳାଇ କଳି ଯୁଗରେ l

କନ୍ୟା ରୂପେ ଆସି ଲୀଳା ଖେଳା କଲେ 

ବସୁ ପ୍ରହରାଜ ଘରେ ll

ମାଆ ଶ୍ରୀବୈଷ୍ଣବୀ ତନ୍ତ୍ରରେ ଆରାଧି 

ଆର୍ତ୍ତରେ ଡାକିଲେ ନର l

ଓ କରିଥାନ୍ତି ସଙ୍କଟ ତାରିଣୀ 

ଯାଚି ଦେଇଥାନ୍ତି ବର ll

ଝୁଣା ଗୋକୁଳରେ ବାସୁ ଥାଇ ପୀଠ 

ଘଣ୍ଟ ଘଣ୍ଟା ଖୋଳ ତାଳ l

କରୁଣା ମନାସି ଭକ୍ତଗଣ ଆସି 

ଲଗାଇଥାନ୍ତି ଗହଳ ll

ଅତି ମନୋହର ମାଆଙ୍କ ମନ୍ଦିର 

ପର୍ବତ ଶିଖରେ ସ୍ଥିତ l

ମା' ତାରାତାରିଣୀ ଆରତ ଭଞ୍ଜନୀ 

କୋଟି କୋଟି ଦଣ୍ଡବତ ll