ଲୁହ

ଶିଶୁର ଆଖିରେ ଲୁହର ଭାଷାକୁ

ମା’ ତ ବୁଝିପାରଇ |

ମାତୃପ୍ରେମ ପାଇ ସେଇ ଲୁହ ପୁଣି

ଶିଶୁର ଓଠେ ଖେଳଇ ||୧

ପ୍ରମିକା ଆଖିର ଲୁହର ଭିତରେ

ଦରଦ ଦେଖଇ ପ୍ରେମିକ |

ବିରହ ବେଦନା ଝରାଏ ତ ଲୁହ

ଲୁହ ତ ଭାବର ପ୍ରତୀକ ||୨||

ଝିଅର ବିଦାୟୀ ବେଳର ଦରଦ

ଅମାନିଆଁ ଅଶ୍ରୁଧାରା |

ଅଝଟ ପଣରେ ଅବିଶ୍ରାନ୍ତ ବୋହେ

ପାଏ ନାହିଁ ସେ କିନାରା ||୩||

ଆବେଗର ଅଶ୍ରୁ ଦଃଖର ସେ ଅଶ୍ରୁ

ଭାବ କରିଥାଏ ପ୍ରକାଶ |

ଲୁହ ଝରୁଥାଏ ହା’ ହତାଶରେ

ନିରାଶ ର ପରା ଆଭାସ ||୪||

ପଣତକାନିରେ ମା’ ପୋଛିଦେଲେ ଲୁହ

ହାଲୁକା ହୁଅ ଇ ମନ |

ସବୁ ଦୂଃଖକଷ୍ଟ ଆଖିପିଛୁଳାକେ

ହୋଇଯାଏ ଅନ୍ତର୍ଧାନ ||୫||