ଲାଜ ନାହିଁ ଆମ ମୁହଁକୁ
ଲାଜ ନାହିଁ ଆମ ମୁହଁକୁ
ଶୁଣ ଭାଇ ମୋର କାହାଣୀ ଶୁଣ
ନେତାଙ୍କର ଅଛି କେତେକ ଗୁଣ
କୁହନ୍ତି ବହୁତ ଲୋକ
ନେତା ଯେ ଆମର ଇଜ୍ଜତ ଭେଖ
ଏ କଥା କୁ ମନେ ରଖ ।
ପାଞ୍ଚ ବରଷ କୁ ପାଛୋଟି ଆଣି
ଆଶା ବୃକ୍ଷ ରୋପି ଛିିଂଚିଲେ ପାଣି
ସେ ଗଛରେ ଯେବେ ଫଳଟି ଧରିବ
କୁଆ ଖାଉ ଥିବ ହୃଦୟ ହାଣି ।
ବୃକ୍ଷ ବଢୁ ଥିବ ବିଶାଳ ହୋଇ
ଯେହ୍ନେ ବଂଧ୍ୟା ନାରୀ ଶୋଭା ବଢଇ
ପଳାଶ ଫୁଲ ସେ ଆକାଶେ ଉଡେ
କିଏ ସେ ଧରିବ ସାହାସ ନୋହି ।
ଯେବେ ପୁରି ଯିବ ତିିିନି ବରଷ
ଭେଟରେ ଅଚିିହ୍ନା ମୁଖେ ବିରସ
ମନରେ ଉପୁଜେ ଭୟ
କାଳେ ଲିଭି ଯିବ ସମ୍ମାନ ଦୃଶ୍ୟ
ଏକଥାଟା ନିିଶ୍ଚେ ଥୟ ।
ଆଉ ମନେ ନାହିଁ ଅତୀତ କଥା
ମନେ ପକେଇଲେ ହୃଦୟେ ବ୍ୟଥା
ଏହି ରାଜନୀତି ଏହି ଯେ ପ୍ରଥା
ପୋଛି ଦିଅ ମନୁ ଭବିଷ୍ୟ ଗାଥା ।
ପାଂଚ ବରଷରେ ଆମେ ର୍ନିଲଜ
ନମିଳୁ ପଛକେ ଆମକୁ ପେଜ
ପୁଣି ହାତ ଟେକା ଦାନକୁ ଚାହିଁ
ଆଶା ସୁପାତିକୁ କରିଲେ ସଜ
ମନରେ ସାଇତି ପୁୁୁରୁଣା ଧର୍ଯ୍ୟ ।