କୃଷ୍ଣଙ୍କ ଠିକଣା

ପ୍ରତିବିମ୍ବ ତବ ଚତୁର୍ଦିଗେ ଦିଶେ 

ରାତି ହଉ ଅବା ଦିନ 

ପାଗଳୀ ପରାଏ ତମକୁ ଖୋଜେ ମୁଁ 

ତମେ ସର୍ବବିଦ୍ୟମାନ 

ବିଚଳିତ କରେ ବଇଁଶୀର ସ୍ଵନ 

ହରାଏ ମୁଁ ନିଜ ସତ୍ତା 

ନିନ୍ଦା ଅପବାଦକୁ ନ ଥାଏ ଡର 

ତମେ ଯେ ମୋ ତ୍ରାଣକର୍ତ୍ତା 

ଯେବେ ନ ଥାଅ ତୁମେ ମୋର ସମୀପେ 

କାୟାନ୍ତରେ ହୋଇ ସୃଷ୍ଟି 

ବିଚରଣ କର ଆଖେପାଖେ ମୋର 

ସାଜି ବୃକ୍ଷ, ପଶୁ, ପକ୍ଷୀ  

ପଳାତକର ଲାଞ୍ଛନା ଯେ ଦିଅନ୍ତି  

ଉତ୍ତର ଏ ତାଙ୍କ ପାଇଁ 

ଅନ୍ତରରେ ଯା'ର କୃଷ୍ଣ ବିଦ୍ୟମାନ 

ଶରୀର ସେ ଲୋଡ଼େ ନାହିଁ 

ଅଝଟ ମନଟି ବୁଝିଯାଏ ତେବେ 

ଜାଣି କୃଷ୍ଣସତ୍ତା ସେଠି 

କାହିଁକି ତାଙ୍କୁ ସେ ଆହୁରି ଖୋଜିବ 

ହୃଦୟରେ ଯା' ରାଜୁତି