ମା ର ଛାଟ

ମା ର ଛାଟ

ଯେତେ ମନାକଲେ ବାହାରକୁ ଯାଅନି

ବାଳୁଙ୍ଗା ଦିଟା ତମେ ଜମା ମାନୁନ

ଥରେ ଧରାଦିଅ ହାତେ ମୋର ଖାଲି

କରିବି ତମକୁ ଶାସନ l

ଖାରବେଳଟା ରେ ବାହାରେ ଖେଳୁଛ

ଝାଉଁଳି ପଡିବ ଶରୀର

ପାଠପଢା ତେଣେ ବାକିଆ ରହିଛି

ସେପଟେ ବି ଦିଅ ନଜର l

ଅମାନିଆ ଗୁଣ ଛଡେଇବି ଆଜି

ସେଇ ବନ୍ଦୋବସ୍ତ କରିଛି

ବାଛି ବାଛି ସରୁ ଛାଟ ଟିଏ

ବାପାଙ୍କ ଠୁ ମାଗି ରଖିଛି l

ହାତ ଗୋଡ ଧରି ପିଲା ଦୁଇଜଣ

ମାଆ ଙ୍କୁ ଭୁଲ ମାଗିଲେ

ଆଉ ଯିବୁ ନାହିଁ ନ ପଚାରି କେବେ

ଏଇ ଥର କ ପାଇଁ ଛାଡ କହିଲେ l

ଛାଟ ଟି ଫୋପାଡ଼ି ଦଉଡ଼ିଲେ ମାଆ

କୁଣ୍ଢେଇ ପକେଇଲେ ଦୁହିଁଙ୍କୁ

ନୟନର ତାରା ତୁମେ ଦୁଇ ମୋର

ମାରିବି ନାହିଁ ଲୋ ତୁମକୁ l