ଲୁହ

ଲୁହ ଝରିଗଲେ ଆଖିରୁ

କମିଯାଏ କିଛି କୋହ

ଯେତେ ଢ଼ାଳିଲେ ଛାଡିବନି

ସଂସାରର ମାୟା ମୋହ ll

ସୁଖରେ ହଉ କି ଦୁଃଖରେ

ଆଖିରୁ ସେ ଯେବେ ଝରିଯାଏ

ଦୁଇଧାର ହଉ ବୋହିଯାଇ

ମନକୁ ହାଲୁକା କରିନିଏ ll

ନିଗିଡି ଆସଇ ଆଖିରୁ

ନିଶବ୍ଦରେ ଯେବେ ଲୁହ

ଲାଗେ ସତେକି କରିଗଲା

ସ୍ୱଚ୍ଛ ମୋ ମନ ହୃଦୟ ll

ଲୁହ ଛଡା ଆଉ କେ ନିଜର

ଦୁନିଆରେ ନାହିଁ ମୋର

ଲୁହ ନୁହେଁ ତ ସେ ଅଭିଯୋଗ

ଅବଶୋଷ ମୋ ମନର ll

ଟୋପାଏ ବି ଲୁହ ଝରିବନି ଆଉ

ଦେଇଥିଲି ପ୍ରତିଶ୍ରୁତି

ତୁମେ ଗଲା ପରେ ଝରାଉଛି ଲୁହ

ତୁମକୁ ସ୍ମୃତିରେ ରଖି ll

ଶୃତକୀର୍ତ୍ତି ତ୍ରିପାଠୀ