ବତୀଘର
ବତୀଘର
1 min
382
ନିସ୍ତବ୍ଧରାତିର ଅନ୍ଧକାରରେ
ବାଟଭୁଲି ଯାଇଥିବା ନାବିକକୁ ପଚାର
ବତୀଘରର ମହତ୍ତ୍ୱ
ଜୀବନ ଫେରିପାଇବାର କ୍ଷୀଣ ଆଶାଟିଏ
କଅଁଳି ଉଠେ ଯେଉଁଠି ନିରନ୍ତର l
ଝଡ଼ ତୋଫାନ ଘେରା ଅଥଳ ସମୁଦ୍ରରେ
ଜୀବିକା ନିର୍ବାହରେ ମସଗୁଲ
ସେଇ ମାଛଧରାଳୀକୁ ପଚାର
ବତୀଘରର ମହତ୍ତ୍ୱ
ଜୀବିକା ଯେଉଁଠି ଭାରି ପଡ଼େ ଜୀବନ ଆଗରେ l
ଜ୍ଞାନର ବିଶାଳ ସାଗରେ
ସଂଘର୍ଷ କରୁଥିବା ଛାତ୍ର ଟିକୁ ପଚାର
ଗୁରୁଙ୍କ ମହତ୍ତ୍ୱ
ଯିଏ ବତୀଘର ସାଜି
ଦୋଳାୟମାନ ତାର ଜୀବନ ନାଆର
ସାଜିଥାନ୍ତି ସଦା କାଣ୍ଡାରୀ ।