Library
Profile
କୋଣାର୍କ
କୋଣାର୍କ
ଦେଖ ଦେଖ ଉତ୍କଳ କାରୁ କୀର୍ତ୍ତି
ଅର୍କ କ୍ଷେତ୍ରେ ପ୍ରତି ମୂର୍ତ୍ତି ,
ବାର ଶହ କାରିଗରଙ୍କ ଉତ୍ପତ୍ତି
ରଚିଲେ କୋଣାର୍କ କୀର୍ତ୍ତି ।୧।
ଇତିହାସ ରଚିଲେ ସ୍ଵର୍ଣ୍ଣ ଅକ୍ଷରେ
ବିଶ୍ଵ ମାନସ ପଟ୍ଟରେ ,
ଆଙ୍କିଛନ୍ତି ମୂର୍ତ୍ତି ନୀହଣ ମୁନରେ
କାରିଗର ଧରି କରେ ।୨।
ମନେପଡୁଛି ରାଜା ଆଦେଶ କଥା
ବଢାଏ ଦେଉଳ ଚିନ୍ତା ,
କଟିଥାନ୍ତା ସର୍ବ କାରିଗର ମଥା
କା ' ମନେ ନଥଲା ଆସ୍ଥା ।୩।
ଚୂଳ ମାରିଲା ବାର ବର୍ଷ ବାଳୁତ
ଧରମା ହେଲା ବିଖ୍ୟାତ ,
ରଖିଗଲ
ା ଜାତିର ମାନ ମହତ
ବିଶୁ ମହାରଣା ସୁତ ।୪।
ରଖିଲା କାରିଗର ମାନ ସମ୍ମାନ
ଦେଲା ନିଜର ଜୀବନ ,
ସିନ୍ଧୁ ମଧ୍ୟକୁ କଲା ଲମ୍ଫ ପ୍ରଦାନ
ହରାଇଲା ତାର ପ୍ରାଣ ।୫।
ରଖିଛନ୍ତି ମନେ ଜଗତର ଜନ
ଧର୍ମପଦ ନାମ ଜାଣ ,
ପ୍ରଥମେ ପଡ଼ୁଛି କୋଣାର୍କ ମନ୍ଦିରେ
ସୂର୍ଯ୍ୟ ଦେବଙ୍କ କିରଣ ।୬।
ବାର ବର୍ଷ ତପସ୍ୟା ହେଲା ସମ୍ପୂର୍ଣ୍ଣ
ମନ୍ଦିର ହୋଇଲା ପୂର୍ଣ୍ଣ ,
ଝଲସିଲା ଚନ୍ଦ୍ରଭାଗାର ମୁହାଣ
କୋଣାର୍କ ନାମଟି ଜାଣ ।୭।
...............................
