ଲାଇବ୍ରେରୀ
ପ୍ରୋଫାଇଲ୍
କଞ୍ଚା ଲଙ୍କା
କଞ୍ଚା ଲଙ୍କା
1 min
319
ବାଡିର ମୋ କଞ୍ଚା ଲଙ୍କା
ମୁଁହ କରିଦେବ ବଙ୍କା
ରାଗୁଆକୁ ସେ ଭାରି ସୁଆଦିଆ
ଖାଇବୁ ଯଦି ଲୋ ପଖାଳ ଆ
ଖାଇବୁ ଯଦି ଲୋ ପଖାଳ ଆ ।
ବାଡି ବାଇଗଣ ପୋଡ଼ା
ହବଲୋ ଟିକିଏ ଲୋଡା
ବାଡି ବାଇଗଣ ପୋଡ଼ା
ହବଲୋ ଟିକିଏ ଲୋଡା
ତା ସାଥେ ଧଣିଆ ପତର ମିଶା
ତା ସାଥେ ଧଣିଆ ପତର ମିଶା
କଞ୍ଚା ଲଙ୍କା ଟିକେ ମନ୍ଥି ଦବୁ
ପଖାଳ କଂଶିଏ ଦାବି ଦବୁ ।
ଆଉ ଟିକେ ଯଦି ସୁଆଦ ଚାହୁଁ
ବାଡି କୋଶଳା କୁ ଫିରିଙ୍ଗି ମିଶା
ବାଡି କୋଶଳା କୁ ଫିରିଙ୍ଗି ମିଶା
ଆହା ଲୋ ମୋ
କଞ୍ଚା ଲଙ୍କା କୁ ପଖାଳ କଂସା
ଆହା ଲୋ ମୋ
କଞ୍ଚା ଲଙ୍କା କୁ ପଖାଳ କଂସା ।
ବାଡ଼ିର କଖାରୁ ଫୁଲ
ଫୁଟି ଥାଏ ଭାରି ଭଲ ,
ତୋଳି କରି କିଛି ଆଣି ସଜାଡିବୁ
ଅରୁଆ ଚାଉଳ କିଛି ବାଟିଦବୁ
ଲୁଣ , ଲଙ୍କାଗୁଣ୍ଡ ହଳଦୀ ମିଶା
ଲୁଣ , ଲଙ୍କାଗୁଣ୍ଡ ହଳଦୀ ମିଶା
ତାପରେ ଭାଜିବୁ ଫୁଲର ଭଜା
ଖାଇଲେ ଲାଗିବ ଆହା କି ମଜା
ତାପରେ ତୋରାଣି ପିଇଲେ ନିଶା
ଆହା ଲୋ ମୋ
କଞ୍ଚା ଲଙ୍କା କୁ ପଖାଳ କଂସା
ଆହା ଲୋ ମୋ
କଞ୍ଚା ଲଙ୍କାକୁ ପଖାଳ କଂସା ।
