କଣ୍ଢେଇ

ଏକା ଚାଲୁଥିଲା ଆଦି, କଲେଜ ରୋଡ୍ ରେ

ଜିଜ୍ଞାସା ସହ ସଂଶୟ ବି ଥିଲା ମନ ଭିତରେ ।

ହଠାତ୍ କିଏ ଆବାଜ ଦେଲା, କୋହଭରା

ଛୋଟ ଶିଶୁଟି ଜରାଜୀର୍ଣ୍ଣ ପୋଷକ ପିନ୍ଧା ।

କିଛି ଖାଇବୁ କି ବୋଲି ପ୍ରଶ୍ନ କଲା ଆଦି

ମୋମୋ,ଫାଷ୍ଟଫୁଡ୍ ସାମ୍ନାରେ 

ଛୁଆଟିର ମୁହଁ ଖୋଲନ୍ତା କେମିତି ।

କିନ୍ତୁ ଆଦି ସେତେବେଳେ ଅବାକ୍ ହେଲା

ଯେତେବେଳେ ଖାଇବା ବଦଳରେ 

କଣ୍ଢେଇଟେ ମାଗିଲା।

ଭୋକିଲା ପେଟ ବି 

ଶୈଶବକୁ ଜୀଇଁବାକୁ ଚାହୁଁଥିଲା

ହେଲେ ଆଦି ବୁଝିନଥିଲା

ଦୁଇପଦ ଗାଲି ଦେଇ ସେଠୁ ଚାଲିଗଲା।