କଳାକାହ୍ନୁ
କଳାକାହ୍ନୁ
କଳାକାହ୍ନୁ ତତେ
ଭଲ ପାଏ କେତେ
କହି ମୁଁ ପାରିନି କେବେ,
ହୃଦୟ ମନ୍ଦିରେ
ରଖିଛି ଲୁଚାଇ
ଦେଖିଲି ପ୍ରଥମେ ଯେବେ l
ମନେ ଡର ଭରେ
ଦେଖିଦେଲେ କେହି
ହୋଇଯିବୁ କାଳେ ପର,
ଜଗତଟା ଭାରି
ସ୍ୱାର୍ଥପର ତୋତେ
କରିଦେବ ମୋଠୁ ଦୂର l
ଜୀବନ ବାୟୁରେ
ମିଶିଛୁ ଏମିତି
କ୍ଷଣେ ପାରେନି ମୁଁ ଭୁଲି,
ଭୁଲିଯିବି ଯେବେ
ହୃଦୟ ସ୍ପନ୍ଦନ
ଦେହ ଛାଡି ଯିବ ଚାଲି l
ମନ ମନ୍ଦିରେ ମୋ
ସାଇତି ରଖିଛି
ପ୍ରୀତି ଘୃତ ରାଶି ଦେଇ,
ଆଲୋକିତ ହୁଏ
ତୋ ପ୍ରୀତି ପରାଗେ
ପ୍ରଶ୍ୱାସ ରେ ବାୟୁ ହୋଇ l