ଲାଇବ୍ରେରୀ
ପ୍ରୋଫାଇଲ୍
କହୁଥାଅ ପଛେ ଛୋପରା
କହୁଥାଅ ପଛେ ଛୋପରା
1 min
194
ମାଠିଆ କଚାଡ଼ି ରାଗ ସୁଝାଉଛ
ଦେଖଉଛ ମୋତେ ଖପରା
ମୁଁ ପେରେମ ପସରା ମେଲେଇ ବସିଛି
ତଥାପି କହୁଛ ଛୋପରା।।
ଗାଈଘିଅ ଅବା ପୁରୁଣା ଚାଉଳ
ସବୁରି ସୁମାର ନିଆରା
ଚାଳିଶି ବର୍ଷୀୟା ଅନୁଭବୀ ପ୍ରେମୀ
କେମିତି ହେଲି ମୁଁ ଛୋପରା।।
ପେଏଣ୍ଟକୁ ଟେକି ନଈ ପାରି ହେଇ
ଇସୁକୁଲୁ ଯିବା କାଳେ
ପେଏଣ୍ଟଟା ଟିକେ ଭିଜି ଯାଏ ଯଦି
କାହିଁକି କହିବ ମୁତୁରା।।
ବେଣୀ ଦୋହଲେଇ ଯାଉଥିଲା ଯେବେ
କଲେଜକୁ ମିନି କେବେ
ଖାଲି କଥା ପଦେ ହେବାକୁ ଚାହିଁଲେ
କହୁଥିଲା ସିଏ ଛତରା।।
ପ୍ରବଳ ଜୁଆର ପରିକା ମୋ ପ୍ରେମ
ପଥରରେ ମୁଣ୍ଡ ବାଡ଼େଇ
ଭାବୁଛି ବସିକି ସତରେ କି ମୁଁଉଁ
ଛତରା ମୁତୁରା ଛୋପରା।।
ଛତରା କୁହ କି ଛୋପରା କହୁଥା
ପ୍ରେମୀ ପଣିଆଁ କି ଛାଡ଼ିବି
ପାଚିଲା ଦାଢ଼ିକୁ ଗାଲରେ ଘସିବି
କହୁଥାଅ ପଛେ ଛୋପରା।।
