କବିତା ପର୍ବ : (ଅତିରିକ୍ତ) ବ୍ୟଙ୍ଗ କବିତା-84: ଓଡ଼ିଆ ଗାଳି
କବିତା ପର୍ବ : (ଅତିରିକ୍ତ) ବ୍ୟଙ୍ଗ କବିତା-84: ଓଡ଼ିଆ ଗାଳି
ପରଘର ଭଙ୍ଗା ନିନ୍ଦୁକ ସହିତ ପିଣ୍ଡାଓଲୁ ମିଶି କିଛି,
ପରଛିଦ୍ର ଖୋଜି ତାଳି ମାରୁଥିବେ କ୍ଷୀରିରେ ପକେଇ ମାଛି |
ମିଛୁଆ ମାଡୁଆ ଚୋର ଦଗାଦିଆ ବଦମାସ ପାଞ୍ଚଭାଇ,
ନିଲଠା ଠକକୁ ଲାଜ କି ସରମ ଅପମାନ କାଟେନାହିଁ |
ଭଣ୍ଡକଥା କୁହା ହିନସ୍ତାକୁ ଯଦି ବିଶ୍ୱାସ କରିବ କିଏ,
କରଜ ଖିଆକୁ ଉଧାର ଦିଏ ଯେ ଅସଲ ଭକୁଆ ସିଏ |
କପଟ ଗୁଣଟି ଫିସାଦିଆ ପାଶେ ତାକୁ ତ ଦୂରୁ ଜୁହାର,
ଗାଲୁଆ କହିବ ସବୁ ମୁଁ କରିଛି କେବେ ନୁହେଁ ସେ କାହାର |
ଅଳସୁଆ ପାଇଁ ଓଜନିଆଁ କାମ ଠାପୁଆକୁ ଦେଲେ ଭାର,
କାମଚୋର ପାଇଁ କିଛି କାମନାହିଁ ହେବ ତାକୁ ଭାଲୁଜର |
ଭିକାରିକୁ ଡାକି ଜ୍ଞାନଦାନ କଲେ ମଦୁଆକୁ ଦେଲେ କାମ,
ଗଞ୍ଜଡ଼କୁ ଯିଏ ଘର ଜଗେଇବ ଜାଣ ତା' କରମ ବାମ |