ଜୟ ପ୍ରଭୁ ଶ୍ରୀମଲ୍ଲିକାର୍ଜୁନ

    ଜୟ ପ୍ରଭୁ ଶ୍ରୀମଲ୍ଲିକାର୍ଜୁନ     
      =============
ପୂଣ୍ୟତୋୟା କୃଷ୍ଣା ତଟେ
                  ଶ୍ରୀଶୈଳ ପର୍ବତ l
ତହିଁ ବିଜେ କଲେ ପ୍ରଭୁ
                 ପାର୍ବତୀଙ୍କ ନାଥ ll
କାର୍ତ୍ତିକଙ୍କୁ ଖୋଜି ଖୋଜି
                  କୈଳାସରୁ ଆସି l
ଶ୍ରୀଶୈଳ ପର୍ବତ ପରେ
              ହୋଇଲେ ନିବାସୀ ll
କ୍ଷେତ୍ର ଥାପିଛ ଭାରତେ
                     ପ୍ରସିଦ୍ଧ ଅତୀବ l
ଅର୍ଜ୍ଜୁନ ବୋଲାଅ ଯହିଁ
                    ପ୍ରଭୁ ସଦାଶିବ ll
ମଲ୍ଲିକା ବୋଲାନ୍ତି ପୁଣି
                  ହିମାଳୟ ଜେମା l
ମଲ୍ଲିକାର୍ଜ୍ଜୁନ କ୍ଷେତ୍ରକୁ କି
                    ଦେବା ଉପମା ll
ମଲ୍ଲିକା କୁସୁମ ପ୍ରୀୟ
                     ପ୍ରଭୁଙ୍କର ଅତି l
ମଲ୍ଲିକାର୍ଜ୍ଜୁନ ବୋଲାନ୍ତି
                  କହେ କିମ୍ୱଦନ୍ତୀ ll
ଦ୍ବାଦଶ ଜ୍ୟୋତର୍ଲିଙ୍ଗରେ
                     ଶ୍ରୀମଲ୍ଲିକାର୍ଜୁନ l
ଭକତ ଲୋଡ଼ନ୍ତି ତାଙ୍କ
                    ଦିବ୍ୟ ଦରଶନ ll
ପ୍ରଭୁ ଶ୍ରୀରାମ ଏଠାକୁ
                 କାଳେ ଆସିଥିଲେ l
ଏକ ସସ୍ର ଲିଙ୍ଗ ଥାପି
                  ପଞ୍ଚବଟୀ ଗଲେ ll
କୃଷ୍ଣାନଦୀ ଏହିଠାରେ
                      ପର୍ବତ ତନୁଜା l
ପାତାଳ ଗଙ୍ଗା ବୋଲାଇ
                     ପାଉଛନ୍ତି ପୂଜା ll
ଅଭିଷେକ ପ୍ରଭୁଙ୍କର ପୂତ
                         କୃଷ୍ଣା ନୀରେ l
ଶ୍ରୀବିଶ୍ଵନାଥଙ୍କ ଯଥା
                   ଜାହ୍ନବୀ ଜଳରେ ll
ପ୍ରତ୍ୟକ୍ଷ ଫଳ ଦାୟକ 
                      ଶ୍ରୀମଲ୍ଲିକାର୍ଜୁନ l
ଭକ୍ତ ମନବାଞ୍ଛା କେବେ
                   ନ ରହେ ଅପୂର୍ଣ୍ଣ ll
ଅକର୍ମ କର୍ମ ଦାୟକ
                       ପ୍ରଭୁ ଶୂଳଧର l
ଶ୍ରୀମଲ୍ଲିକାର୍ଜ୍ଜୁନଙ୍କର
                    ମହିମା ଅପାର ll
କୃଷ୍ଣା ତୀରେ ଉଡୁଅଛି
                   ତାଙ୍କ ଦିବ୍ୟ ଧ୍ଵଜା l
ଦୁଃଖୀ ଆର୍ତ୍ତି କେତେ
              କରୁଛନ୍ତି ତାଙ୍କ ପୂଜା ll
ଆଶିଷ ଦିଅନ୍ତି ବାଣ୍ଟି
                   ପ୍ରଭୁ ଦେବ ଦେବ l
ନମସ୍ତେ ନମସ୍ତେ ପ୍ରଭୁ
                    ନମଃ ସଦାଶିବ ll
ହେ ଦେବ ସତ୍ୟ ସୁନ୍ଦର
                    ପ୍ରଭୁ ଆଶୁତୋଷ l
ସାଗର ମନ୍ଥନେ ପ୍ରଭୁ
                     ପାନ କଲ ବିଷ ll
ହର ହର ଦୁଃଖ ହର
                    ଗୋଉରୀ ଶଙ୍କର l
ଶ୍ରୀମଲ୍ଲିକାର୍ଜୁନେ କରେ
                    କୋଟି ନମସ୍କାର ll
               🙏🙏🙏
                   ଅର୍ଜୁନୀ
                ---------------
ଅର୍ଜୁନୀ ଚରଣ ବେହେରା
ମୋ - 7693091971