ଜୟ ମାଆ ଅନ୍ନପୂର୍ଣ୍ଣା
ଜୟ ମାଆ ଅନ୍ନପୂର୍ଣ୍ଣା
ଜୟ ଜୟ ସିନ୍ଧୁ ସୂତା ମାଆ ଅନ୍ନପୂର୍ଣ୍ଣା l
ସକଳଜୀବର ମାତ ପୁରାଉ କାମନା ll
ଧନଦାତ୍ରୀ ଅନ୍ନଦାତ୍ରୀ କଇବଲ୍ୟଦାତ୍ରୀ l
ଜଗତଜନନୀ ମାଆ ତୁହି ଜଗଦ୍ଧାତ୍ରୀ ll
ସର୍ଵ ଇଚ୍ଛା ପୂର୍ଣ୍ଣଙ୍କରୀ ତୁହି କାମଧେନୁ l
ଧରଣୀ ଦୁହିଁଲେ ତହୁଁ ମହାରାଜ ମନୁ ll
କରୁଣାମୟୀ କୃପାରୁ ରଙ୍କ ହୁଏ ରାଜା l
ଉଣାହେଲେ ନମିଳଇ କଣ ଖୁଦଭଜା ll
ସର୍ଵ ଐଶ୍ୱର୍ଯ୍ୟ ମିଳଇ ପ୍ରାପ୍ତହୋଇ ଶିରି l
ଶ୍ରୀମତୀ ଶ୍ରୀପତି ପତି ବୈକୁଣ୍ଠବିହାରୀ ll
ଚଣ୍ଡାଳୁଣୀ ପୂଜି ମାଆ ଐଶ୍ୱର୍ଯ୍ୟ ଲଭିଲା l
ଶ୍ରୀମହାଲକ୍ଷ୍ମୀଙ୍କ ବାର୍ତ୍ତା କାଳକୁ ରହିଲା ll
ଅମାନ୍ୟକରିଲା ମାତ ଅନ୍ଧବଳା ତୋତେ l
ଉରୁଭଗ୍ନେ ପ୍ରାଣଗଲା ବୃକୋଦର ହସ୍ତେ ll
ମହିମାବର୍ଣ୍ଣନେ ତୋର କେବା ସାମରଥା l
ନମସ୍ତେ ନମସ୍ତେ ମାତା ଶଙ୍ଖ ଚକ୍ର ହସ୍ତା ll
ଜୟ ଜୟ ଜୟ ମାତ ଲୋ କରୁଣାମୟୀ l
ଭକ୍ତିଭରେ ମାଆ ତୋର ଚରଣେ ନମଇଁ ll