ଜରଦଗବ

ଜୀବନର ଏଇ ସାଦା କାଗଜରେ 

କିଛି ଟିକେ ଲେଖିନିଅ 

ଜୀବନର ଏଇ ସାଦା ମଲାଟରେ 

ଛବିଟେ ତ ଆଙ୍କି ଦିଅ ।

ଜୀବନର ଏଇ ମଲାନଈ ଧାରେ 

ଗଛ ଟେ ତ ଵନିଯାଅ 

ଜୀବନର ଏଇ ଶୁଷ୍କ ଆକାଶରେ 

ପକ୍ଷୀ ଟେ ତ ହୋଇଯାଅ ।

ଜୀବନର ଏଇ ପ୍ରଥମ ପୃଷ୍ଠାରେ 

କାହାର ଏ ହସ୍ତାକ୍ଷର କୁହ 

ଜୀବନର ଏଇ ମାଧ୍ୟମ ଫର୍ଦରେ 

କାହା ଛବି ଆଙ୍କି ଦେଇ ଯାଅ ।

ଜୀବନର ଏଇ ଶେଷ ପୃଷ୍ଠାରେ 

କିଏ ଲେଖିଗଲା କେତେ କଥା 

କିଏ ସେହି ପକ୍ଷୀ, ଝାଡିଦେଲା ଡେଣା 

ଗଛରେ ରହିଛି ଲାଖି ।

ଜରଦଗବ ମୁଁ ଦେଖୁଛି ସବୁକୁ 

ହଜମ କରୁଛି ଆଖି 

ନଈରେ ନାଉରୀ ଆକାଶରେ ପକ୍ଷୀ 

ଗଛରେ ପାପ ପୂଣ୍ୟ ଫଳ ଯାଇଛି ଶୁଖି 

ସରି ଆସିଲାଣି ମୋ ବେଲକାଳ ସଖି

 ସବୁ ସେଇ ସାକ୍ଷୀ ଚକାଆଖି ।