ଜନ୍ମଦିନ

*ଜନ୍ମଦିନ*

ନୂତନ ଏକ ପ୍ରଭାତ ଏକ ନୂଆ ଆଶା,

ଜନ୍ମଦିନର ଖୁସିଭରେ ବଦଳେ ପରିଭାଷା l

ଶୁଭେ ଫୋନ ଘଣ୍ଟା ମେସେଜ୍ ର ବର୍ଷା, 

"ହାପି ବାର୍ଥ ଡେ" ସହ ଭିଡିଓ କଲ୍ ରେ ବାର୍ତ୍ତା l

ପିନ୍ଧି ନୂଆ ପୋଷାକ ଦର୍ପଣେ ଝାଙ୍କି, 

"କେମିତି ଦିଶୁଛି ମୁଁ?" ମାରେ ମନରେ ଉଙ୍କି l

ଘେନିଯାଏ ଆଶିଷ ମା-ବାପାଙ୍କ ପାଦ ଛୁଇଁ,

ଜାଣେ ଜୀବନର ସବୁଠୁ ମଧୁର ଭେଟ ଏହି l

ସଜାହୁଏ ଘର ଫୁଲ ଓ ରଙ୍ଗୀନ ବେଲୁନ୍ ରେ, 

ଝୁଲେ ବ୍ୟାନର "ହାପି ବାର୍ଥ ଡେ" ପୂର୍ଣ୍ଣ ଶୋଭାରେ,

ଝିକିମିକି ଆଲୁଅର ମାଳା ସହ ମଧୁର ସଙ୍ଗୀତରେ, 

ପ୍ରସ୍ତୁତ ଘରଲୋକ ଆଗନ୍ତୁକ-ମନ ହରିବାରେ l

ସନ୍ଧ୍ୟା ହୋଇଛି ଆସି, ଆସିଛନ୍ତି ବନ୍ଧୁ ଆମର, 

ମୁଖରେ ଭରି ହସ ହାତେ ଉପହାର,

ପ୍ରେମଭରେ ଉପହାର ଅମୂଲ୍ୟ ମୂଲ୍ୟ ଏହାର, 

ଯାହା କରେ ଆତ୍ମୀୟଙ୍କ ସ୍ନେହକୁ ଅତି ମଧୁର l

ଘରେ ଆସି ଉପସ୍ଥିତ ଶହେ ଅତିଥି, 

ସ୍ଵାଦିଷ୍ଟ ବ୍ୟଞ୍ଜନ ରନ୍ଧା ମା' ନ ପାସରନ୍ତି ,

ଖିରି ପୁରି ପିଠା ସହ ପକୁଡ଼ି ଚଟଣି

ଅଧା ଖାଇ ଉଠିଗଲେ ଥୟ ମା'ଙ୍କ କହୁଣୀ l

ଆସେ ଶେଷରେ ବିଦାୟର କ୍ଷଣ,

ଚେହେରାରେ ଥାଏ ଛୋଟ ଏକ ଭାବ ମ୍ଳାନ l

କିନ୍ତୁ ମନେ ରହିଯାଏ ସଭିଙ୍କ ସ୍ନେହ ଆଦର, 

ସଦା ଏହି ସୁଖସ୍ମୃତି ମଧୁର ଜନ୍ମଦିନର l

ଆଉ ଏକ ବର୍ଷ ବଢିଲା ବୟସ, 

ନୂଆ ଦାୟିତ୍ଵ ନୂଆ ଅନୁଭୁତିର ଆଶା,

ଆଗାମୀ ଜୀବନପଥ ହେଉ ଉଜ୍ୱଳ ସୁନ୍ଦର,

ପ୍ରଶାନ୍ତର ପ୍ରଶାନ୍ତ ମନରୁ ଛୁଟେ ଶୁଭେଚ୍ଛା ଏହି ଜନ୍ମଦିବସର ll

 ll ଧନ୍ୟବାଦ ll