ଜଳ ହିଁ ଜୀବନ
ଜଳ ହିଁ ଜୀବନ
ଜଳ,ପୟୋ,ପାଣି,ନୀର
ସବୁଠାରେ ଆଜି ଗୋଟିଏ ଚିନ୍ତା
ଜଳ ପାଇଁ ହା ହା କାର; ଜଳ,ପୟୋ,ପାଣି...।।
ମାଟି ତଳ ଜଳ ଉତ୍ସ
ଧୀରେ ଧୀରେ ହୋଇଯାଏ ସୁସ୍କ
ପାଣି ବିନା ଦିଶେ ଟାଙ୍ଗର ଭୂଧର
ସୁଖା ପଡିଛି ନଦୀର ଧାର; ଜଳ,ପୟୋ,ପାଣି...।।
କୂଅ,ଝରଣା, ପୋଖରୀ
ସବୁ’ ଜଳ ବିନା ହତଶୀରି
କେମିତି ବଞ୍ଚିବ ଏ ଜୀବ ଜଗତ
ଦିସୁ ନାହିଁ ଉପାୟ ତାହାର; ଜଳ,ପୟୋ, ପାଣି...।।
ବଣ, ଜଙ୍ଗଲ,ଡଙ୍ଗର
ଭାଙ୍ଗି ଦେଇଅଛି ଅଧମ ନର
ଯାହାର ପ୍ରଭାବେ ବର୍ଷା ହୁଏନାହିଁ
ପ୍ରାଣ ହେଉଅଛି ନାରଖାର; ଜଳ,ପୟୋ,ପାଣି...।।
ଆଗକୁ ବଡ ବିପତ୍ତି
ମାଡି ଆସଇ ମହା ଦୁର୍ଗତି
ପ୍ରକୃତି ଅଧୀର ଧରା ଅସୁନ୍ଦର
(ନର) ନିଜେ ମରଣ ଯନ୍ତା ନିଜର; ଜଳ,ପୟୋ,ପାଣି...।।