ଜୀବନର ମଧୁଶାଳା
ଜୀବନର ମଧୁଶାଳା
ଜୀବନଟା ଏକ ମଧୁଶାଳାଟିଏ
ପିଇବାକୁ ହୁଏ ଲୁହ
ଲୁହ ପିଇପିଇ ବଞ୍ଚିବାକୁ ହୁଏ
ହେଲେ ତା ସହଜ ନୁହଁ।
ଜୀବନଟା ପରା ପଶା ଖେଳଟିଏ
ହାର ଜିତା ଲାଗିଥାଏ
ଏଇ ସଂସାରରେ ସତରେ ସୁଖରେ
ଶାନ୍ତିରେ ଅଛି କି କିଏ ।
ସୁଖ ଦୁଃଖ ମିଶି ନରହିବ ଯଦି
ସିଏ ତ ଜୀବନ ନୁହଁ
ଜୀବନଟା ଏକ ମଧୁଶାଳାଟିଏ
ପିଇବାକୁ ହୁଏ ଲୁହ।
ଜୀବନ ହିଁ ଦିଏ ପରିଚୟଟିଏ
ବଞ୍ଚିବା ପାଇଁକି ରାହା
ଆଶା ନିରାଶାର ହାଟ ଏ ସଂସାର
ମିଳେନା ଖୋଜିଲେ ଯାହା ।
ଜୀବନର ମାନେ ଖୋଜୁ ଖୋଜୁ ଦିନେ
ସରେ ବଞ୍ଚିବାର ମୋହ
ଜୀବନଟା ଏକ ମଧୁଶାଳାଟିଏ
ପିଇବାକୁ ହୁଏ ଲୁହ।