ଲାଇବ୍ରେରୀ
ପ୍ରୋଫାଇଲ୍
ଜୀବନ ଗୀତା-୩୫୮
ଜୀବନ ଗୀତା-୩୫୮
1 min
168
ଜୀବନାବେଗର ବିଭୁତି ବୋଳି
ସଭିଏଁ ହୁଅନ୍ତି ବିଭୋର
ସେ ବିଭୁତି ଯେବେ ପାଉଁଶ ପାଲଟେ
ସଂସାର ହୁଏ ଛାରଖାର ॥୦॥
କେତେ ଆୟୋଜନ କେତେ ଅଭିଯାନ
ଅଢେଇ ଦିନର ଜୀବନ ପାଇଁ
କେତେ ଆକର୍ଷଣ କେତେ ପ୍ରଲୋଭନ
ଅଢେଇ ହାତର ଦେହକୁ ନେଇ
ଚେନାଏ ସପନ ଚମକୁଥାଏ
ଆଖିରେ ଆଖିଏ ଅନ୍ଧାର ॥୧॥
କେବେ ଅସହାୟ କେବେ ନିରୁପାୟ
ଜୀବନ ଜିଇଁବା ନୁହେଁ ସହଜ
କେତେ ଆହାଉହୁ କେତେ ଲୁହଲହୁ
ତଥାପି ଜୀବନ ରଙ୍ଗ ମୁରୁଜ
ଉଜାଣି ସମୟ ଉଜାଡି ଦିଏ
ଅସମୟରେ ପ୍ରତିଥର ॥୨॥
