ଝରି ଗୋଟାଳି ପିଲା

ଜୀବନ କୁ ଜିଇଁବାର ବିଦ୍ରୋହ ଭିତରେ

ଜରିଗୋଟାଳି ପିଲା ଚାଲିଛି ଖରାରେ ତରାରେ,

ସୁଖ ଦୁଃଖର ରୁଣୁଝୁଣୁ ଆଲୁଅ ଅନ୍ଧାରେ

ଆପଣାର ଯୁଦ୍ଧ କରି ଆପଣା ସାଥିରେ ।

କୁହୁଡି ପରି ମାୟାଛନ୍ନ ଜୀବନ,

   ତା' ପାଇଁ ମିଛ 

        ଦୁନିଆର ସାତ ସପନ ,

ନା ତା' ମନ ପାଠ ପଢିବାରେ

ନା ଆଗକୁ ବାଟ ବଢ଼ିବାରେ ।

ଏପଟ ସେପଟ ହୋଇ

       ମେଲିଛି ସେ ଜୀବନ ପଶରା

ଝରା ପାଖୁଡ଼ା କୁ ସତେ

          ଏକା ଦଇବ ସାହାରା ।

ହଁ ମନର ଅନ୍ତରେ

           ସେ କୁହୁଳା ପ୍ରଦୀପ,

ନିଶିର ତମସା ଭରିଛି ତା' ଲାଗି

             ସେନେହ ଅମାପ ।

କେବେ କେବେ ଜେଲର

          ଚାରି କାନ୍ଥ ଭିତରେ

କେବେ ପୁଣି ନିୟତିର

         ସେଇ ଅଜଣା ହାଟରେ ।