ଜହ୍ନର ଠିକଣା

ପ୍ରିୟା ତୁମେ କାହିଁ ଗଲ

ତୁମ ଅନୁପସ୍ଥିତରେ 

ମୁଁ ନିର୍ଜନ ବେଳାରେ 

ସାଥି ହୀନ ଜୀବନରେ 

ଜହ୍ନ କୁ କରିଛି ନିଜର 

ହେଲେ ପାରୁନି ଜାଣି 

କିଏ କହିବ ତାର ଠିକଣା?? 

ତୁମ ବିନା କିଏ ବା ଜାଣିଛି 

ମୋ ମନର ସ୍ୱପ୍ନ ପାରବାର 

ଜହ୍ନ ସାଥେ ତୁମର ତୁଳନା 

କିଏ ବା ଦେବ ତାର ଉପମା 

ଆକାଶ ବୁକୁରେ ରହି 

ଶୀତଳ କିରଣ ପରଶେ 

ହେଲେ ତୁମ ବିନା ଆଜି 

ଦିଶୁଛି ସେ ଫିକା ଫିକା 

ନାହିଁ ତା ମନର ସରାଗ 

ଜହ୍ନ ସାଥେ ଭାବ ପୀରତି 

ସବୁ ଛାଡି ସେ ଆଜି 

ନିଃସଙ୍ଗତା ବୋଧ କରୁଛି 

ଠିକ ମୋରି ପରି....... ॥

ତୁମେ ଆସ ଅବିଳମ୍ବେ 

ଜହ୍ନ ପୁଣି ଥରେ ହସି ଉଠିବ 

ଆକାଶ କୋଳରେ ଥାଇ 

ପ୍ରୀତିରେ ଭରି ଦେବ କଇଁ ର ମନ 

ବତାଇ ଦେବ ମୋତେ ଜହ୍ନ ର ଠିକଣା 

ଦୁହେଁ ମିଶି ଗଢିବା 

ସ୍ୱପ୍ନର ପ୍ରେମ ମନ୍ଦିର 

ଯହିଁ ଥିବ ଆମ 

ସ୍ମୃତିର ପ୍ରୀତି ପରଶ... ॥