ଲାଇବ୍ରେରୀ
ପ୍ରୋଫାଇଲ୍
ଝି
ଝି
1 min
65
ଆଏ ବଲି ଝି
କାଏ ଯେ ଦେଉଛ ମତେ ମାରି
ମତେ ଜନମ୍ ହେବାର୍ କେ ଦିଅ
ମତେ ଦୁନିଆ କେ ଆସି ଦିଅ
ପାର୍ମି ମୁଇ ସନସାର୍ ଗଢି
ଜାନ୍ମି ମୁଇ ଦୁନିଆଦାରି
କାଏ ଯେ ଦେଉଛ ମତେ ମାରି
ଆଏ ବଲି ମୁଇ ଝି
ଯୁଗ୍ ଯୁଗ୍ ନେଇ ପୂଜା ପାଇଛେ
କେଭେ ଇତିହାସେ ,କେଭେ ପୁରାଣେ
ନା ସିନା ମୋର୍ ଗୁଟେ
ହେଲେ ମୋର୍ ରୂପ୍ କେତେ
କେଭେ ମୁଇ ଦୂର୍ଗା ତ କେଭେ ସୀତା
କେଭେ ମୁଇ ଧର୍ତି ମା ତ କେଭେ ସରବ୍ସହିତା
ଆଏ ବଲି ଝି
କାଏ ଯେ ଦେଉଛ ମତେ ମାରି
ନୁହେ ମୁଇ ଜଞ୍ଜାଲ୍
ନୁହେ ମୁଇ ବୋଝ୍
ତମର୍ ସେବାରେ ଦିନ୍ ବିତାମି ରୋଜ୍
ମୁଇ ନାଇସେ ପରର୍ ଧନ୍
ମୁଇ ହେଉଛେ ଅମୁଲ୍ ଧନ୍
ନୁହେ ମୁଇ ଅବଳା
ନୁହେ ମୁଇ ଦୁର୍ବଲା
ଝାନ୍ସୀ ହେଇ ନିଜେ ଲଢମି୍
କଳ୍ପନା ସାଜୀ ଆକାଶେ ଉଡ଼ମି୍
ଏତକି୍ ମୁଇ ଦେଉଛେ ଲେଖି
"ଝି" ହେଇ ନାମ୍ ରଖ୍ମି ଇତିହାସ୍ ଥି ।।।
