Library
Profile
ଝି
ଝି
ନୁହେଁ ସେ ଜଞ୍ଜାଳ
ନୁହେଁ ସେ ବୋଝ
ମା ବୁଆର ସେବା
କରସି ରୋଜ
ଘର ଦୁଆରେ
କାଟସି ଚିତା
କେଭେଁ ସେ ଦୁର୍ଗା
କେଭେଁ ସେ ସୀତା
ଝି ଜନମ ସିନେ
ପର ଘରକେ
ନେ ଭୁଲେ କେଭେଁ
ମା ଘରକେ
ମାର ସେ ଗେଲେହି
ବାପର ଧନ
ବିହାଘର ଉତ୍ତାରୁ
ପୁନି ର ଜନ
ବାପ ଘରେ ତାର
କେତନି ସୋର
ସୋର କରି ବୁଆ
କାନ୍ଦସି ଜୋର
ଝି ଭି ଜାନସି
ବାପର ଲହ
ସୁରୁତା କରି ସେ
କାନ୍ଦସି ଯହ
ଇଟା ଦୁନିଆର
କେନ୍ତା ଚଳନ
ଗୁଟେ ନୁ ଜନମ ତ
ଗୁଟେ ନୁ ମରନ
ସେ ସାସ ଶଶୁର
ସେ ବେଟା ବେଟି
ସତେ ଯାଇଛେ
ଦାଦନ ଖଟି
ଝି ଆଏ ସେ
ଅମୂଳ ଧନ
କେଭେଁ ନାଇଁ ଭାଙ୍ଗେ
କାହାରିର ମନ
ଚାଏରଟା କାନ୍ଥି ନୁ
ଯାଏସି ସରି
ତାର ଜୀବନ ଆରୁ
ଦୁନିଆଦାରି
କେଭେଁ ସେ ଝି ତ
କେଭେଁ ସେ ମାଁ
ସତୀ କାଳୀ ଦୁର୍ଗା
କେତେ ଟେ ନାଁ
ଦୁରୁ ଜୁହାର ସେ
ଜିନଲା ଦେବୀ କେ
ଦୁଝ ନାଇଁ ଦେବ
କେଭେଁ ତାହା କେ ।
(ରୂପେଶ କୁମାର ଦୀପ,
ସାହାଜବାହାଲ, ରାମପୁର, ସୋନପୁର
