ଅକୁହା କଥା

ମନର କଥା କହିନାଇ ହେଲା 

ରହିଗଲା ମନ ଭିତରେ

ଅକୁହା କଥା ସମିଆ ଦେଖି

ବହେସି ଲୁହର ଧାରେ ।।

ମନ ଝୁରୁଥିସି ତାର କଥା ସବୁ

ସଂଜ ସକାଲ ଦୁଇ ପହରେ

ଚାରହି ଖାଲି ବୁଲୁଥିସି ହେଲେ

ସବୁଆଡେ ତାକେ ନୁରେ ।।

ସେ ମୋର ଗେଲହେଇ ସେ ମୋର ଫୁଲେଇ

ସେ ମୋର ସପନର ରାନି

ତାର ବିନା ମୋର ଛିନା ଛିନା ଜିବନ

ଝୁରି ଜେନ୍ତା ବିନା ପାନି ।।

ହସୁଥିଲେ ସେ ମନ ହସୁଥିସି

କାଂଦିନେଲେ ମନ ରୁସେ

ମନେମନେ ଭାବି କେତେକେତେ କଥା

ଲୁକିଲୁକି କରି ହସେ ।।

ଅକୁହା କଥା କହେମି ଦିନେ 

ନାଇ ହୁଏ ମନେ ରଖି

ମନେମନେ ଭାବେ କହେମି କେଭେ

ସୁବିଧା ସୁଯୋଗ ଦେଖି ।।