Library
Profile
ଈଶ୍ବର ଖୋଜା
ଈଶ୍ବର ଖୋଜା
ସବକା ମାଲିକ୍ ଏକ୍ ହୈ ..
ଈଶ୍ୱର ଆଲ୍ଲା ତେରେ ନାମ୍
ଶୁଣିବାକୁ ଭଲଲାଗେ
ସଭା ସମିତିରେ ଭାଷଣବାଜିରେ ,
ଅବା ତର୍କ ବିତର୍କରେ.......... ।।
ସତେ କଣ ଈଶ୍ୱର, ଆଲ୍ଲା,
ଯୀଶୁ ଆଉ ବୁଦ୍ଧ , ରାମ ଓ ରହିମ୍
ଏକ ଆଉ ଅଦ୍ବିତୀୟ ??
ତେବେ କାହିକି ?
ମନ ଆଇନାର କଳା ପରଦାରେ
ସ୍ବପ୍ନଟିଏ ଉଙ୍କି ମାରେ
ମନ୍ଦିର, ମସଜିଦ ଭାଙ୍ଗି ତୋଳିବାର ଅଜବ୍ ଖିଆଲ...।
ଯଦି ସବୁ ଶରୀରରେ ଇଶ୍ୱର ଅଛନ୍ତି
ନକ୍ସଲ, ସନ୍ତ୍ରାସ, ସାଧୂ ଓ ସନ୍ୟାସ
ଚୋର, ଡ଼କାୟତ, ବିଦ୍ବାନ ଓ ପଣ୍ଡିତ
କାହିଁକି ମନୁଷ୍ୟର
>ଏତେ ରଙ୍ଗ ଏତେ ରୂପ........ ।
ସ୍ରଷ୍ଟା ଆଉ ଭ୍ରଷ୍ଟା ସବୁ ଯଦି ଏକ
କାହିଁକି ଭକ୍ତ ଓ ଭଗବାନ
ମଝିରେ ଏତେ ଫାଟ, ଏତେ ଦୂର ??
ଏଠି ମଣିଷ ଖୋଜେ
ଈଶ୍ୱରଙ୍କୁ
ମନ୍ଦିରର ପଥର ଦିହରେ
ଗୀର୍ଜା ଓ ମସଜୀଦ୍ ର ଗୋଲ ଗମ୍ବୂଜ ଭିତରେ
ଖୋଜି ଥାଏ ସତ୍ତ।
ଗୀତା ବାଇବଲ୍, କୋରାନ୍ ଗୁରୁଗ୍ରନ୍ଥର
ଅବୁଝା ଅସୁଝା କାବ୍ୟକବିତାରେ ।
କାମ କ୍ରୋଧ, ଲୋଭ ଓ ମୋହର
ମନ ସମୁଦ୍ର ରେ
ଗଦା ଗଦା ଅହଙ୍କାରର
ପାହାଡ ଉପରେ
ମଣିଷ ବଞ୍ଚିଥାଏ
ଈଶ୍ୱର ଖୋଜାରେ ……
ମଣିଷ ବଞ୍ଚିଥାଏ
ଈଶ୍ୱର ଖୋଜାରେ…… ।
