ଇଏ କେମିତିକା ସମୟ

ଯେତେବେଳେ ଜୀବନଟା ଭାରୀଲାଗେ,

ସବୁ କିଛି ତୁଚ୍ଛ ମନେହୁଏ

ବଞ୍ଚିବା ଶୈଳୀ, ବନ୍ଧୁ ଆତ୍ମୀୟ ବାସସ୍ଥାନ ଏମିତିକି

ଆଇନା ସାମ୍ନାରେ ନିଜ ଚେହେରାଟା' ବି

ବିରକ୍ତି ଲାଗେ।

ଏଇଟା କଣ ଜୀବନ,

ୟା'କୁ କଣ ଜୀଇଁବା କୁହାଯାଏ ?

କାର୍ଯ୍ୟ ତାଲିକା ବଦଳରେ

ଖାଇବା ତାଲିକାରେ ଦିନର

ଆରମ୍ଭ ଆଉ ଶେଷ ହୁଏ ।

ପ୍ରତ୍ୟେକ ମଣିଷ ଆଜି ଭୀତତ୍ରସ୍ତ

ସବୁଠି ଖାଁ ଖାଁ

ନୀରବତା ର ପ୍ରତିଧ୍ୱନୀ

ଏ'ଠି ଆଉ ସ୍ନେହ ଶ୍ରଦ୍ଧା ର ବନ୍ଧନ ନାହିଁ

ପଡିଛି ଦୂରତା ର ଲକ୍ଷ୍ମଣ ରେଖା

ଭୟ ଲାଗେ ଦୂରେଇ ଗଲେ

ସମୟ କ୍ରମେ ଆପଣାର ଲୋକ

ପାଶୋରି ହେଇଯିବେନି ତ ?