ଇଚ୍ଛା
ଇଚ୍ଛା
ଲୁଚି ଲୁଚିକା ପ୍ରେମ ଯେ ଆମର
ରହିଛନ୍ତି ପୁଣି କେତେ ସାକ୍ଷୀ,
ରହିଛି ହୃଦୟେ କେତେ ଯେ ପ୍ରେମ
ଝୁରୁଛି ପୁଣି ପ୍ରେମଭରା ତମର ସ୍ମୃତି ।
ପ୍ରେମ ସାଗରେ ଯେ ଲହରୀ ମାରୁଛ
ମାଛରଙ୍କା ହୋଇ ହଉଛି ମୁଁ ଖୁସି,
ସାଗରିକା ହୋଇ ସାଗରେ ରହୁଛି
ବର୍ଷା ହୋଇ ପୁଣି ତମେ ବର୍ଷୁଛ ।
ସାଗରେ ସାଗରେ ହୋଇଛି ଯେ ଲେଖା
ତମର ମୋର କେତେ ଯେ କାହାଣୀ,
କାହାଣୀ କହୁଛି, ଶୁଣ ଏ ଧରଣୀ
ଝୁରୁଛି ପୁଣି ସେ ଅଭୁଲା କାହାଣୀ ।
ମହାରାଣୀ କରି ସାଜିଥିଲ ସତେ
ରହୁଛି ମୁଁ ଏବେ ଏକା ଏକା,
କାହାକୁ କହିବି କେମିତି ମୁଁ ସତେ
ଝୁରୁଛି ମୁଁ ତମକୁ,ଲାଗୁଛି
ଆଉ ନାହିଁ ମିଳନର ମୌକା ।
ହସୁଥିଲ,ଖେଳୁଥିଲ,ରହୁଥିଲ
ମୋ ସାଙ୍ଗେ ଯେମିତି
କୁଆଡେ ଗଲା ସେ ପ୍ରେମ,
ଖୋଜିଲେ ଆଉ ମିଳୁ ନାହଁ ତମେ
ହେଲେ ବି ଖୋଜୁଛି ବାରମ୍ବାର ।
ରାଗିକରି ମଧ୍ୟ ରାଗି ପାରୁନାହିଁ
ଭଲ ଯେ ତମକୁ ପାଉଅଛି,
ରାଗିବି ରୁସିବି କେମିତି ତମକୁ
ହୃଦୟେ ଯେ ତମେ ସ୍ମୃତି ରହିଅଛି ।
ହୃଦୟ ଯେ ଭାଙ୍ଗିଲ ସତେ
କେତେ ଯେ ପ୍ରେମ ମତେ କରୁଥିଲ,
ପ୍ରଥମେ ପ୍ରେମର ଖୁସି ବାଢ଼ିଦେଲ ନିଜ ହାତେ
ଏବେ ନିଜ ଖୁସିଲାଗି ଦୁଃଖର ଲୁହ
ମତେ ହିଁ ପିଆଇ ଦେଲ ।
ରହିଛି ଆଶା ପୁଣି ଭରସା
ବୁଝିବ ମତେ ଦିନେ ନା ଦିନେ,
ଆକାଶ ଅଛି ଧରା ବି ଅଛି
ଚଞ୍ଚଳା ମନ ଆଜି କହୁଅଛି ।