ଇଚ୍ଛା ହୁଏ ଥରେ

ଇଚ୍ଛା ହୁଏ ଥରେ ତୁମରି ସାଥିରେ

   ବସିବାକୁ ନିରୋଳାରେ

ହାତେ ହାତ ରଖି  ଚାଲିବାକୁ ଥରେ 

   ସେଇ ବେଳାଭୂମି ପରେ (1)

ଓଦା ବାଲି ପରେ ବାଲିଘର କରି

    କହିବାକୁ ମନ କଥା

ଝାଉଁ ବଣ ତଳେ    ତୁମରି ଓଠରୁ

    ଶୁଣିବାକୁ ମୋ କବିତା (2)

 ଇଚ୍ଛା ହୁଏ କେବେ ଘନ ଜଙ୍ଗଲରେ

    ଜଙ୍ଗଲୀ ଝରଣା କୂଳେ

ହାତ ହାତ ରଖି   ବସିବାକୁ ସାଥି  

    ବଡ଼ ଏକ ଗଛ ମୂଳେ (3)

ଶାନ୍ତ ସବୁଜ  &nbs

Advertisement

p;  ସୁନ୍ଦର ନିଥର

    ଘନ ବନାନୀର କୋଳେ

ଆମ ଜୀବନର   ଆଗାମୀ ଅଧ୍ୟାୟ

     ଦେଖି ବାକୁ ତୁମ ଡୋଳେ (4)

 ଇଚ୍ଛା ହୁଏ କେବେ  ଜହ୍ନ ଜୋଛନାରେ

    ବସି ସେଇ ନଦୀଧାରେ

ନିଜ ଛବି ଦେଖି   ମନେ ହସୁଥାନ୍ତେ

    ନଦୀର ନିରବ ନୀରେ (5) 

ଭାଵେତ ଅନେକ  କବିତା ବି ଲେଖେ

     ହଜିଯାଏ ଭାବନାରେ

ଜାଣେନା ସେଦିନ  ଫେରିବକି ନାହିଁ

     ସତ ଅବା ସପନରେ (6)