ହେ ଉତ୍କଳ ମଣି

ରାମାୟଣର ଦଶରଥ ତୁମେ

      ମହାଭାରତର କର୍ଣ୍ଣ

ଉତ୍କଳ ମାଟିର ଯୋଗ୍ୟ ସନ୍ତାନ

      ସର୍ବଗୁଣେ ପରିପୂର୍ଣ୍ଣ ll

ସେବା ତ୍ୟାଗ ପରା ତୁମ ଆଦର୍ଶ

      କେହି ନୁହଁ ତୁମ ସରି

ବନ୍ୟା ମରୁଡ଼ି ହେଉ ବା ଦୁର୍ଭିକ୍ଷ 

      ଆସ ଦେବଦୂତ ପରି ll

ତୁମେ ସଂଗ୍ରାମୀ ଓଡ଼ିଆ ମାଟିର

      ଲେଖିଛ କରା କବିତା

ମାନସ ପଟରେ ଚିର ସ୍ମରଣୀୟ

      ସେ ବନ୍ଦୀର ଆତ୍ମକଥା ll

ମହାଭାରତ ଯଶସ୍ୱୀ ଅର୍ଜ୍ଜୁନ

       ହେ ଉତ୍କଳର ମଣି

ଓଡ଼ିଆଙ୍କ ପ୍ରିୟ ସଦାସର୍ବଦା

     ତୁମେ ହିଁ ଶ୍ରେଷ୍ଠ ବିନ୍ଧାଣୀ ll

ଭାଷା ହିଁ ଜାତିର ପ୍ରାଣସ୍ପନ୍ଦନ

       ତୁମ୍ଭର ପରିକଳ୍ପନା

ମାନବବାଦୀ ମାନବଙ୍କ ସ୍ନେହ

      ପ୍ରୀତି ସଦିଚ୍ଛା କାମନା ll