ହେ ମହାଭାଗ ! କରିବି କି ଅଭିଯୋଗ
ହେ ମହାଭାଗ ! କରିବି କି ଅଭିଯୋଗ
ହେ ମହାଭାଗ !
କରିବି କି ଅଭିଯୋଗ
ପାଉନି ଖୋଜି ସୁଯୋଗ,
ଦେଇଛ ଯା' କରେ ଭୋଗ
ନାହିଁ ଅଭିମାନ ରାଗ ।
ହେ ମହାଭାଗ ।
ଦେଖୁଛି ଯା' ଏ ଭୂଭାଗ
ସବୁରେ ତୁମ ସରାଗ,
ତୁମ ବିନା ଯୋଗାଯୋଗ
ନାହିଁ ତ କିଛି ସୌଭାଗ୍ଯ।
ହେ ମହାଭାଗ !
ତୁମେ ପାଶେ ଅନୁରାଗ
ଥାଉ ମୋର ଯୁଗ ଯୁଗ,
ଜୀବନର ଯେତେ ଯାଗ
ସବୁ ତ ତୁମର ତ୍ୟାଗ।
ହେ ମହାଭାଗ !
ଦେଖୁଛି ମୁଁ ଯେଉଁ ଦିଗ
ଲୋଭ ମୋହର ଯେ ମାର୍ଗ,
ଶରୀରରେ ମନେ ରୋଗ
ଦଂଶୁଅଛି କାଳ ନାଗ।
ହେ ମହାଭାଗ !
ବଦଳୁଛି ପାଣିପାଗ
ବଦଳେନା ମନ ବେଗ,
ଅହଂ ମିଛ ମାୟା ଦୁର୍ଗ
ନିରୀହ ଯେ ମୃଗ ଛାଗ।
ହେ ମହାଭାଗ !
ମାୟା ଶକ୍ତିର ପ୍ରୟୋଗ
ଭବରୁ କର ବିୟୋଗ,
ହୁଅନ୍ତୁ ସବୁ ନୀରୋଗ
ଏ ଧରା ହେଉ ସରଗ।
ହେ ମହାଭାଗ !