ଗଣତନ୍ତ୍ର ଦିବସ

ଜାନୁଆରୀ ମାସ ଛବିଶ ତାରିଖ 

ଆମ ଗଣତନ୍ତ୍ର ଦିବସ

ହସ ଉଲ୍ଲାସରେ ପାଳୁଅଛୁ ଆମେ 

ଏହାକୁ ପ୍ରତ୍ଯେକ ବରଷ ।

ଭାରତ ମାତାର ସନ୍ତାନ ଆମେରେ 

ହୋଇଅଛୁ ଆମେ ସ୍ବାଧୀନ

ବିଦେଶୀ ଶକ୍ତିକୁ ଆଉ ଭୟନାହିଁ 

ନାହୁଁତ ଆମେ ପରାଧିନ ।

ଜ୍ଞାନ ଓ ବିଜ୍ଞାନ ବୈଷୟିକ ଜ୍ଞାନ 

ସବୁ ଏବେ ଆମ ଅଧିନ

ସାରା ବିଶ୍ବେ ଆଜି ଉଡୁଅଛି ଆମ

ବିଜୟ ତ୍ରିରଙ୍ଗା କେତନ ।

ହଟିଛି ଅଶିକ୍ଷା ହଟିଛି ଗୋଲାମି

ହଟିବ ତ ଦୁଃଖ ଦୁର୍ଦ୍ଦଶା

ଶତ୍ରୁ ନାଲି ଆଖି ଦେଖି ଆମେ କେବେ 

ହେବୁ ନାହିଁ ଆଉ ହତାଶା ।

ପୂରୁବ ଗୌରବ ପୂରୁବ ମହିମା 

ଫେରାଇବୁ କରି ଶପଥ

ଆମ ମାଆ ତ ହେବ ବିଶ୍ବର ଗୁରୁ 

ଏକଥା ଘଟିବ ନିଶ୍ଚିତ ।

ଯୁଗକ୍ରାନ୍ତିର ସନ୍ଧିକ୍ଷଣରେ ଆମେ 

ହୋଇଛୁ ଆଜି ଉପନୀତ

ଅଳପ ଦିନରେ ମାଆତ ଆମର 

ହୋଇବ ଅଖଣ୍ଡ ଭାରତ ।

ସାରା ଦୁନିଆରେ ହୋଇଅଛି ଗଣା 

ଆମ ଦେଶର ସମ୍ବିଧାନ

ପ୍ରଥମ ସ୍ଥାନଟି ମିଳିଅଛି ପୁଣି 

ହୋଇଛୁ ଆମେ ସ୍ବାଧୀନ ।