ଗାନ୍ଧୀଙ୍କୁ ଝୁରେ ସାରା ସଂସାର
ଗାନ୍ଧୀଙ୍କୁ ଝୁରେ ସାରା ସଂସାର
କରିଲ ସଂଗ୍ରାମ ସାଜି ମହା ଦ୍ରୁମ
ଅହିଂସାକୁ ଆପଣେଇ ,
ତୁମେ ସେହି ସୁତ ଭାରତ ମହତ
ରଖିଗଲ ରାଷ୍ଟ୍ର ପାଇଁ ।୧।
କରି ଦାଣ୍ଡି ଯାତ୍ରା ହେ ଜାତିର ପିତା
କରିଥିଲ ସତ୍ୟାଗ୍ରହ ,
ଏ ଦେଶର ବାସୀ ତୁମ ସଙ୍ଗେ ମିଶି
ଯୋଗଦେଲେ ଶହ ଶହ ।୨।
ସ୍ଵାଧୀନତା ପାଇଁ ଏକ ଚିତ୍ତ ହୋଇ
ଦେଇଥିଲ ବଳିଦାନ ,
ତୁମକୁ ପାଇକି ଭାରତ କାହିଁକି
ବିଶ୍ୱ ବି କହେ ମହାନ ।୩।
ଦେଖେ ହେ ବାପୁଜୀ ପାଳୁ ଅଛୁ ଆଜି
ତୁମର ଜନମ ଦିନ ,
ଏଇଠି ତଥାପି ବଢ଼ିଛନ୍ତି ପାପୀ
ଭାଙ୍ଗନ୍ତି ତୁମ ସପନ ।୪।
ହୋଇଣ ସ୍ଵାଧୀନ ଲାଗେ ପରାଧିନ
ଦେଖହେ ଟିକେ ମହାତ୍ମା ,
ଆଉ ଥରେ ଆସ ଧରି ଗାନ୍ଧୀ ବେଶ
ପ୍ରବେଶୁ ଶରୀରେ ଆତ୍ମା ।୫।
ତୁମେହିଁ ମହାତ୍ମା ତୁମେ ଚିର ଆତ୍ମା
ତମେ ହିଁ ଚିର ଅମର ,
ତୁମ ପାଇଁ ଏଠି ଝୁରୁଥିବେ ନିତି
ଏ ସାରା ନର ସଂସାର ।୬।