ଗାଁ ସହର ଯାଇଛି ସାଜି
ଗାଁ ସହର ଯାଇଛି ସାଜି
ଅନ୍ଧାର ଆକାଶ କାହିଁକି ଡାକୁଛି
ଅଛି କି ପୁନେଇଁ ଜହ୍ନ
ଧଵଳ କୁହୁଡି ମାଡ଼ି ମାଡ଼ି ଯାଏ
ଶିହରୀ ଉଠୁଛି ମନ
କାଖରେ କଳସି ନୂଆ ବୋହୂ ର
ଧିରେ ଧିରେ ଚାଲି ଆସେ
ଚୁଲି ଜଳିବ କି ରୋଷେଇ ହବ
ପରିବା କାଟିବା କୁ ଵସେ
ଛୋଟ ପିଲା ତା'ର ଖେଳୁଛନ୍ତି ସେଠି
ବିଲକୁ ଗଲେଣି ଚାଷୀ
କାଉ, କୋଇଲି ର ସୁମଧୁର ଗୀତ
ମଳୟ ପଵନେ ଆସେ ଭାସି
ସତେ ଗାଁ ମୋର କେତେ ଯେ ସୁନ୍ଦର
ପର୍ବ ପର୍ବାଣୀ ରେ ଭିଡ଼ ଆଜି
ଆଃ ରେ ଏ କ'ଣ ମୁଁ ସ୍ବପ୍ନ ଦେଖୁଥିଲି
ମୋ ଗାଁ ପରା ସହର ଯାଇଛି ସାଜି