ଏକତାର ଗୀତ ଗାଇବା ଚାଲ

 ଆଲୁଅ ଲାଗଇ ଯେତିକି ସୁନ୍ଦର

 ଅନ୍ଧାର ଲାଗଇ ତା ଠାରୁ ଭଲ

 ଆଲୁଅ ଲିଭେଇ ଦୀପଟିଏ ଜାଳି

 ଏକତାର ଗୀତ ଗାଇବା ଚାଲ

      ଏକତାର ସ୍ବର ତୀକ୍ଷ୍ଣ ତାର ଧାର

      ଅରୀ ଟାଣପଣ କରଇ ଚୁନା

      କରୋନା ହାରିବ ଭାରତ ଜିତିବ

      ସାରା ଦେଶବାସୀ ମାନିଲେ ମନା

 ଏକଲା ରହିବା ଦୂରେଇ ରହିବା

 ଭୁଲି ସାଙ୍ଗ ସାଥୀ ଆତ୍ମୀୟ କେହି

 ରାଜ୍ୟ ବାହାରୁତ ଆସିଥିବା ଯଦି

 ତଥ୍ୟ ରଖିବାନି ଜମା ଲୁଚେଇ

       ତଥ୍ୟ ଲୁଚାଇଲେ ପଥବଣା ହେବ

       ଆମରି ସ°ଗ୍ରାମ ଆମରି ଲକ୍ଷ୍ୟ

       କରୋଣା ଗ୍ରାସିବ ଗାଁ ଠୁ ସହର

       ବିଦାରି ପକାଇ ସବୁରି ବକ୍ଷ ।