ଏ କି ମନ୍ଥନ
ଏ କି ମନ୍ଥନ
ଏ କି ମନ୍ଥନ.....?
ବିଭତ୍ସ ଆଜି ମାନବ ଜାତିର
ସମୟକୁ ପ୍ରଶ୍ନ....?
ପକ୍ଷେ ଧରିଛନ୍ତି ଅଦୃଶ୍ୟ ସୂକ୍ଷ୍ମ ଶକ୍ତି....।
ଯେବେ ସୁସ୍ଥ ଶରୀର ଲୋଟି ଗଲା
ମାଟି ପରେ ନିଶ୍ଚଳ ହୋଇ ।
ଧାଉରିଆ ପବନରେ ଆତ୍ମାର ପ୍ରସ୍ଥାନ
ଆଶ୍ଚର୍ଯ୍ୟ ଚକିତ ମାନବ ଜାତିର
ସିଏ ହିଁ ଜୀବନ....।
ଏ କି ମନ୍ଥନ.....।
ଅପର ପକ୍ଷେ ପ୍ରମାଣ ସାପେକ୍ଷ
ସଜୀବ ନିର୍ଜୀବ ଠାରୁ ଯଦି ସେ ପୃଥକ
ବିଶେଷ ଜ୍ଞାନ ମାନବ ଜାତିର
କେବଳ ମାନସିକ ଭ୍ରମ....।
ଏ କି ମନ୍ଥନ......।
ପକ୍ଷେ ଦେଉଛନ୍ତି ଫୁଲ ଚନ୍ଦନ.....।
ପକ୍ଷେ କରୁଛନ୍ତି ଉଦ୍ଭାବନ....।
ଅମୃତ କି ବିଷ ମାନବ ଜାତିର
ଭବିଷ୍ୟତ ପାଇଁ ଏ ବର୍ତ୍ତମାନ.....
ଏ କି ମନ୍ଥନ.....।
*************************
ଆସ୍ତିକ ଏବଂ ନାସ୍ତିକ ଉଭୟଙ୍କ ମତ ବାଦ୍ କୁ ନେଇ ମୋର ଏକ ଛୋଟ କବିତା " ଏ କି ମନ୍ଥନ" ଏଇ କବିତା ମାଧ୍ୟମରେ ମୋ ମନରେ ଉଠୁଥିବା ପ୍ରଶ୍ନବାଚୀକୁ ନେଇ ଲିଖିତ । ଆଗାମୀ ଭବିଷ୍ୟତ ରେ ସମାଜ କାହାର ମତକୁ ଆପଣେଇବ ? ସମାଜ ବିଷ ପାଇବ ନା ଅମୃତ ? ଉଭୟଙ୍କ ମନ୍ଥନର ପ୍ରଭାବରେ କିଛି ଲୋକ ଦୁଇ ନାବରେ ଗୋଡ଼ ଦେବା ସଦୃଶ୍ୟ ଦ୍ବନ୍ଦରେ । ଆଉ କିଛି ଲୋକ କେବଳ ନିରବଦ୍ରଷ୍ଟା ସାଜି ଦେଖିଛନ୍ତି । ଆସ୍ତିକ ଏବଂ ନାସ୍ତିକ ଉଭୟ କିନ୍ତୁ ଅଟଳ ।